Programma yaşlarda ukrain cemiyetine aitlik duyğusını şekillendirmege, onıñ yaşayış qabiliyetini inkişaf etmege ve şahsiy maqsatlarnı yerine ketirmek içün imkânlar yaratuvnı közde tutmaqta.
Konsepsiyada eñ çoq ğayret celp etilecek böyle üç esas vazife qayd etile:
- Gençlerniñ cemaat yaşayışında iştirakini keñleştirmek ve içtimaiy birdemlikni pekitmek;
- Metanet inkişafı: gençlerniñ telükesizligi ve ruhiy-duyğulı sağlığı;
- Gençlerniñ öz-özüni idare etüvine ve iqtisadiy qabiliyetine yardım.
Programmada vaqtınca işğal etilgen topraqlarda yaşağan gençler, Ukraina tamır halqlarınıñ (qırımtatar, qaray, qırımçaq) ve milliy azlıqlarnıñ (toplulıqlarnıñ) temsilcileri aqqında da söz yürsetile, olarnıñ ruhiy sağlığını qorçalav, zenaat imkânlarını keñleştirüv, gençlerniñ içtimaiyleşüvi, uyğunlaştıruvı ve reintegratsiyasını temin etüv esnasına celp etilmesi közde tutula.
Gençlik ve sport naziri, bu programma gençlerniñ kelecegi istiqrarlı olması içün areketlerni birleştirmekni niyetlengenini qayd etti. “Maqsadımız – er kes içün sıñırsız ve dostane müit yaratmaq, ögrenmek, şahsiy maqsatlarnı belgilemek, istidatlarnı inkişaf ettirmek ve eminliknen karyera qurmaq içün imkânlar yaratmaqtadır. Çünki Ukrainanıñ kelecegi artıq bugünde-bugün yaratıla ve onı yaşlar yarata”, – dep qayd etti Matviy Bidnıy.
Kelecek adım “Ukraina yaşları: sebat nesli 2030” programmasına içün tedbirlerniñ şekillenmesi olacaq. Ukraina gençlik ve sport nazirligi Ukraina Nazirler Kabinetine Devlet maqsatlı içtimaiy programma Konsepsiyasını qabul etüv aqqında emir leyhasını cemaat muzakeresine teklif ete. Programma içün teklifler bu sene avgustnıñ 24-ne qadar qabul etilecek: https://cutt.ly/8rGsu79P