2018 senesi fevral 22 künü Ukraina Devlet Maliye Hızmetiniñ Herson vilâyetinde territorial idaresiniñ içki havfsızlıq hızmetiniñ hadimleri vaqtınca işğal etilgen Qırımnen memuriy sıñırında yerleşken KÇNN-nıñ birinde Ukraina vatandaşından 15000 rusiye rublesi miqdarında qapar istegen ve almağa tırışğan DMH Herson gümrüginiñ vekilini yaqaladılar.

Matbuat vastaları haber etkenine köre, vatandaşnıñ KÇNN-dan maniasız keçmesi ve cezalanmaması içün memur ondan 15000 rusiye rublesi miqdarında qapar istep alğan eken. Taqiqat areketleri devam ete, Ukraina cinaiy-protsesual kodeksiniñ 208 maddesi boyunca toqtatuv tedbirler meselesi baqılmaqta.