Qoşma malümat: qararnen 10 ay evelsi Cyber Unit Technologies (CUT) ve  CCSI Global beraberlikte Qırımnıñ kiber işğal etilüvi ve başqa RF qomşularınıñ topraqlarındaki buzlatılğan çatışmalarnen bağlı mevzunı tedqiq etmege başladılar.

CUT elde etken malümatlarğa köre, işğal etilgen topraqlarda Rusiye tarafından işletilgen dijital malümat aletleri ve usulları dijital dünyadaki cenklerni qozğalay. Amma şunı da qayd etmek kerek ki, dijital tecavuznıñ miqyası aqqında atta siyasetçiler ve vekâletli devlet memurları ale daa haberdar degiller. Bu, Ukrainağa nisbeten de tedqiq etilecek şeylerdir.

Bundan ğayrı, tedqiqat esnasında kiber işğal içün işletilgen vastalar ile usullarnıñ mevcut olğanına işaret etken doğru ve qıya isbatlar tapılğan edi.

Bu usullardan bazıları:

 vaqtınca işğal etilgen topraqlarda Rusiyege qol tutqan şirketlerni meydanğa ketirüv (meselâ, kripto para madenciligi);
 işğal etilgen topraqlarda cinaiy şirketni meydanğa ketirüv (meselâ, virtual aktivlernen anonim şekilde almaşuv içün mahsus merkezlerni meydanğa ketirüv);
  Ukraina halq ögündeki liderlerni taqip etüv, olarga qarşı kiber ucum ve saifelerini içtimaiy ağlardan yoq etüv içün keniş taqip etüv saanı meydanğa ketirüv;

 Rusiyege qol tutqan şahıslar tarafından ukrain faalerniñ sıñırdan keçmelerine yol bermemek maqsadınen halq ögündeki baza (qara cedveller) meydanğa ketirildi;

 malümat bazalarını zapt etüv;
 Ukrainağa qarşı muntazam şekilde alınıp barılğan media kampaniya;
 televizion ağlarını zapt etüv, radio ve televizion signallarını deñiştirüv.

Tedbir iştirakçileri arasında ”Cyber Unit Technologies” şirketiniñ ve «Cyber School» ”beyaz” hakerler mektebiniñ teşkilâtçılarından biri olğan Yegor Auşev bar edi. O, Qırımnıñ kiber işğali tek şimdi ögrenilmege başlanğanını qayd etti.

Faaliyetleriniñ birinci neticeleri Ukraina Prezidentiniñ Qırım Muhtar Cumhuriyetindeki Temsicliligi /Qırım platforması Ofisi ve Ukraina çetel işler Nazirligine / MFA of Ukraine taqdim etildi. 

Yegor bey aytqanı kibi, «”Kiber işğal” tabiri yaqında peyda oldı, bu meseleni muzakere etken arada, biz sizlernen tarihqa yañı saifeler yazamız».

Bundan ğayrı o, siyasetçiler ve tehnika mütehassısları arasındaki işbirlik pek müim olğanını qayd etti, çünki işğalci devletniñ bu saadaki qanunsız areketlerini tedqiq etkende, olar olmadan müsbet neticege irişmek imkânsızdır.
Tedbirni aşağıdaki bağlantı vastasınen baqıp çıqmaq mümkün: https://youtu.be/2FS4__RxFIA