Ukraina Prezidenti Petro Poroşenko, Ukraina-AB Sammitindeki añlaşmalarnı yerine ketirüv olaraq, AB iştirakçi devletlerniñ elçileri Keriç köpüriniñ qanunsız qurucılığınen bağlı olğan 6 şahısqa qarşı şahsiy sanktiyalarnı kirsetüv aqqında qararlarnı qabul etkenleri aqqında bildirdi.

‘‘Bu qarar, ukrain Qırımınıñ vaqtınca işğlaline ve ilhaq etmek ıntıluvlarğa nasıldır alâqası olğan fizikiy ya da uquqiy şahıslar ille de öz cezasını alacağını tasdıqlay’’, – dep qayd etti Ukraina devletiniñ Başlığı. ‘‘Rusiye istilâsına qarşı alıp barğan küreşimizde bizge qol tutqan ortaqlarımızğa minnetdarlığımnı bildirem’’, – dep qoştı Ukraina Prezidenti.