Mayısnıñ 26-nda Podol teatrinde qırımtatar halqı sürgünliginiñ qurbanlarını añma aqşamı olıp keçti. “Kıyivska Kamerata” milliy solistler ansambli, Antoniy Kedrovskıy dirijorlığı ile, muzıka, şiirler ve bediiy çıqışlarnı birleştirgen medeniy sintez taqdim etildi.
Hatıra aqşamında aktör ve rejissör Ahtem Seytablayev, skripkacı, halqara yarışlarnıñ laureatı Şevket Ablâlimov ve Ukraina halq artisti Femiy Mustafayev iştirak ettiler.
Temsilcilikniñ informatsion teminlevi bölüginiñ yolbaşçısı Yevgen Bondarenko, Temsilcilikniñ ve Daimiy Temsilci Olga Kurışkonıñ adından tedbir teşkilatçılarına teşekkür bildirdi. Öz çıqışında o, cenk vaqtında bile medeniyet kimlikniñ ğayrıdan tiklenüvi içün bir alet alına kelgenini qayd etti:
“Bu ğayet qıymetli ve müimdir, çünki tamır qırımtatar halqı genotsidiniñ 81 yıllığında, cenkniñ on birinci yılında, tamır halqnıñ medeniyeti zemaneviy sanalarda yañğırağan leyhalarda canlana. Amma onıñ yeri tek milliy meydançıqlarda degil. O, yaşamaq, ğayrıdan canlanmaq ve dünyanıñ eñ meşur sanalarından hitap etmek kerek. Çünki medeniyetniñ canlanuvı sayesinde halq da canlana. Ve onen beraber – devletimiz Ukraina”.
Temsilcilikniñ informatsion teminlevi bölüginiñ yolbaşçısı ayrıca, Qırımğa bağışlanğan zemaneviy medeniy teşebbüsler bir sıra çağıruvlarnen, hususan sanatçılarnıñ pek sıñırlı olması kibi meselelernen qarşılaşqanını qayd etti. Amma, onıñ sözlerine köre, bu kibi leyhalarğa qol tutuv pek müimdir:
“Qırım yarımadasına bağışlanğan medeniy tedbirler üzerinde çalışıp, artistlerni celp etmek ne qadar qıyın olğanını añlaymız – yazıq ki, olarnıñ sayısı az. Amma, büyük, müim, küçlü leyhalarğa olarnı celp etmek pek müimdir. Bu teşebbüslerge qol tutmaq da aynı derecede emiyetli: iştiraknen, ğayelernen, inkişafnen. Çünki özümizge cenk on bir yıldır devam etkenini hatırlatqanımızda, bu – er birimiz içün küçlü bir işaret ola. Vaqtınca işğal etilgen topraqlarımıznıñ medeniy hatırası ve kelecegine daa çoq yatırım yapmaq kerekmiz”.
Qırımtatar Milliy Meclisiniñ reisi Refat Çubarov da çıqışta bulundı:
“Dünya er bir halq, er bir insan aqqında bilmeli. Cezalandırılmağan yamanlıq daa deşetli aqibetlerge yol aça bile. Ukrain milletiniñ yoq etilüvi, XX asırda ukrain ve qırımtatar halqları ile olğanlarnıñ aqibetidir, ve işte bu sebepten bu yamanlıq kene qaytıp keldi. Bizler bugünki vaqialar bir daa tekrarlanması içün memoriallar tikleycekmiz, tedbirler keçirecekmiz, biri-birimizni tanıycaqmız. Hatırlağanımız qadar yaşaycaqmız ve inkişaf etecekmiz”, – dep qayd etti Refat Çubarov.
Bu aqşam sanat vastasınen qırımtatar medeniyetiniñ unikal ifade etilmesi oldı. Tedbir sürgünlik faciasınıñ terenligini kösterip, milliy kimlikniñ küçüni hatırlattı. Muzıka, şiiriyet, sanat ve medeniyet erbaplarınıñ çıqışları qırımtatar halqınıñ ananelerini saqlağan hatıra müitini yarattı.
