V.N.Karazin adına Harkiv Milliy Universiteti ekinci (magistr) derecesinde “Azat etilgen topraqlarda açıq idare etüv” adlı yañı tasil-içtimaiy programmasınıñ başlatıluvını ilân ete. Programma Ukraina Prezidentiniñ Qırım Muhtar Cumhuriyetindeki Temsilciligi ile beraberlikte “Devlet idare etüv institutı” oqutuv-ilmiy institutı tarafından işlep çıqarıldı.

Programmanıñ maqsadı işğalden azat etilgen topraqlarda çalışmaq içün ihtisaslı idareci kadrlarnı azırlamaq, işğalden azat etüvden reintegratsiya ve silâlı zıddiyetniñ aqibetlerinden qurtuluvğa devamlı, semereli ve telükesiz bir keçitniñ temin etilmesidir.

İşğalden qurtarılğan topraqlarda effektiv idare etüv sistemasını şekillendirüv kompleks yanaşuvnı talap etmekte. Bu yanaşma Qırım Muhtar Cumhuriyeti ve Aqyar şeeriniñ hususiyetlerini diqqatqa alıp, halqara tecribeni birleştirmek kerek. Böyle yanaşma uquq üstünligi, insan aqlarınıñ teminlevi ve ukrain institutlarına işançnıñ ğayrıdan tiklenmesi printsiplerine esaslanmalı.

Programma aqqında:

• Oquv devamlığı: 16 ay (90 ECTS krediti)
• İhtisas: Açıq idare etüv ve memuriyet magistri
• Maqsat auditoriyası: vaqtınca işğal etilgen topraqlardan köçken devlet organlarında çalışmağa istegen ya da çalışqan mütehassıslar, işğalden azat etüv ve reintegratsiya esnaslarına qoşulmağa istegenler.

Programma https://surl.li/paxvjc ve kiriş şartları https://surl.lu/sshlva  aqqında tafsilatlı maümat.