Qırım platformasınıñ faaliyetini temin etüv hızmetiniñ yolbaşçısı Nelâ Grinişin 2025 senesi oktâbr 6-17 künleri Varşava şeerinde olıp keçken OSCE İnsan ölçeme konferentsiyası çerçivesinde umumiy sessiyada çıqışta bulundı.

Onıñ qayd etkenine köre, işğal neticesinde Qırım yarımadası mustaqil jurnalistikası olmağan bir topraqqa çevirildi, çünki er bir iş telüke doğura, vaqialarnıñ obyektiv aydınlatması ise azatlıqqa maal ola bile. Rusiye işğal etilgen Qırımda söz serbestligini ve tınç toplaşuvlarserbestligini yoq etti. Ukrayin matbuat vastaları qapatıldı, mustaqil jurnalistler ve cemaat faalleri taqip etile, farqlı fikir bildirgenler ise repressiyalarğa oğratıla.

Maruza vaqtında Nelâ Grinişin Rusiyeniñ 2014 senesinden başlap işğal etilgen Qırımda sınamağa başlağan, soñra ise Ukrainanıñ yañı işğal etilgen topraqlarında ömürge keçirmege devam etken işğal ameliyatlarından bugün dünyada iç bir memleket qorçalanmağanını qayd etti.

Qırım platformasınıñ faaliyetini temin etüv hızmetiniñ yolbaşçısı PACEniñ yaqında qabul etilgen rezolütsiyanı hatırlap, halqara toplulıqnı ukrayin jurnalistleriniñ azat etilmesi içün tedbir almağa çağırdı.

Foto:  OSCE/Piotr Dziubak