2018 senesi oraq ayı (iyül) 8-13 künleri arasında Qırımnı işğalden azat etüv ve ğayrıdan integratsiyası meseleleri boyunca hızmetniñ hadimi Bahşış Kerimov Konrad Adenauyer Fondunıñ Ukrainadan genç siyasetçiler ve cemaat teşkilâtlarınıñ vekilleri içün teşkil etilgen ‘‘Berlin paytahtı ve onıñ siyasiy medeniyeti ile demokratik qurulışları’’ mevzusında maarif programmasında iştirak etti. Tedbir devamında Almaniya parlamentiniñ deputatları, alman siyasetçileri, yüksek rütbeli diplomatlar ve cemaat teşkilâtlarınıñ vekilleri ile ondan ziyade körüşüv keçirildi. Alman siyasetçiler ile körüşüvler esnasında, basqa meselelernen bir sırada, ayrı alman cemaat erbaplarınıñ Qırımğa qanunsız ziyaretleri, işğalci devletke qarşı sanktsiyalarnıñ istiqbali muzakere etildi. Almaniyalı siyasetçiler qayd etkenlerine köre, Qırım boyunca nazar noqtaları deñişmey, Qırım meselesi ise muntazam sürette eñ yüksek seviyelerde köterile, amma bu mesele üzerinde büyük diqqat ve sabır ile çalışmaq kerek olacaq.