2024 senesi Olimpiada Oyunlarında Ukraina boks cıyma taqımını taqdim etecek sportçılardan biri – Ayder Abduraimov. 20 yaşındaki qırımtatarı Zaporojye vilâyetiniñ Melitopol şeerinde doğdı.

Ayder 57 kilogramğace ağırlıq kategoriyasında yarışa, yaşlar arasında Avropanıñ eki defa çempionı ve büyükler arasında Ukraina boks çempionıdır.

Yarın, iyülniñ 31-de, Kıyiv vaqıtınen saat 16:00-da Ayderniñ 2024 Olimpiyada Oyunlarında birinci yarışı olıp keçecek. Kıyivde onı Vıstavkovıy Tsentr merkezindeki fan-zonada seyir etmek mümkün olacaq. Fan-zona agustnıñ 4-ne qadar çalışacak, kirişler bedava.

Bundan da ğayrı, yarış “Suspilne sport” saytında ve “Suspilne media”nıñ diger platformalarında canlı olaraq yayınlanacaq.

Ayder ve başqa sportçılarımız içün qol tutıñız!