Mudafaa nazirliginiñ Baş istihbarat idaresiniñ yolbaşçısı Kırılo Budanov Qara deñiz akvatoriyasınıñ mudafaasına celp etilgen küç ve vastalarnı, şu cümleden gaz çıqarıcı platformalarnı teftiş etti. Ziyaret çerçivesinde Kırılo Budanov arbiylernen umumiy strategiya çerçivesinde ilerideki areketler boyunca toplaşuv keçirdi ve Qara deñizde Rusiye ile cenk şaraitlerinde köstergen ihtisaslılıq ve cesaret içün “Timur mahsus bölüginiñ” askerlerini taqdirledi. Baş istihbarat idaresiniñ arbiyleri Kırılo Budanovnen beraber Qara deñizniñ ukrain territorial suvlarını Rusiye işğalcilerinden azat etüv esnasında elâk olğan askerlerniñ hatırasını añdılar.

Hatırlatamız, Kırılo Budanov “Petro Godovanets”, “Ukraina”, “Tavrida” ve “Sivaş” adlı gaz çıqarıcı platformalarnı ziyaret etti. Olar 2014 senesi Qırımnıñ vaqtınca işğalinden soñ zapt etilgen edi, rusiye “Çornomornaftogaz”nıñ mülküni, şu cümleden añdılğan burğulav qullelerini eline keçirdi ve ekisiñ adlarını “Qırım-1” ve “Qırım-2” olaraq deñiştirdi. 2023 senesi Ukraina havfsızlıq ve mudafaa quvetleriniñ muvafaqiyetli operatsiyaları neticesinde olar Ukraina nezareti altına qaytarıldı.