2017 сенесининъ 19 июньден башлап 30 сентябрьге къадар вакътынджа ишгъаль этильген Къырым сакинлери Украинанынъ 12 университетлери эсасында тешкиль этильген “Къырым – Украина” тасиль меркезлери аркъалы, Къырым мезуннынъ украин аттестаты ве тыш мустакъиль къыймет кесюв сертификатынынъ олмагъан- ларыны эсапкъа алгъан саделештирильген усул боюнджа украин алий окъув юртларына кирип олмалылар.
Вакътынджа ишгъаль этильген Къырым Мухтар Джумхуриети ве Акъяр шеэри территорияларында орта умум тасилини алгъан шахыс Украинанынъ къыта тарафындаки алий окъув юртларына саделештирильген усул боюнджа кирмек ичюн, ашагъыдаки арекетлерни япмалы:
- “Къырым – Украина” тасиль меркезини сайламалы ве догъру малюматны бильмек ичюн, башта багъланмалы;
- вакътынджа ишгъаль этильген территориясындан чыкъып, Украинанынъ къыта тарафына кельмели ве сайлап алгъан тасиль меркезине (университетине) шахсий алда язма шекильдеки аризаны теслим этмели;
- тасиль декларациясыны толдурмалы;
- девлет нетидже аттестациясындан эки имтианны : украин тили ве Украина тарихы эм алий окъув юртынен бельгиленген бир кириш имтианны бермели.
Къырым абитуриентинде Украин паспортынынъ булунмагъаны алында, Девлет миграцион мемуриетинен ишбирлиги къарарында , окъув юрты шахсиетини исбатлагъан ве Украина гражданлыгъыны тасдикълагъан весикъасынынъ ресмийлештирилювинде ярдым косьтермекте.
Тафсилятлыджа малюматны ватандашлар Украина маариф ве илим назирлигине мураджаат этип, ала билелер.
Ярдым ве тевсие иле ватандашлар Къырым Мухтар Джумхуриетинде Украина Президентининъ Векялетханесине уйгъун багъ усулынен мураджаат эте билелер.
Авропалы ве мутенасип келеджеги сенинъ къолунда!