Prezident Petro Poroşenko Lehistan Cumhuriyeti çetel işler Naziri Yatsek Çaputoviçni qabul etti. Ukraina devletiniñ Başlığı Keriç boğazında Rusiye Federatsiyasınıñ silâlı tecavüzi şaraitlerinde Ukrainağa qol tutqanları içün lehistanlı ortaqlarımızğa minnetdarlığını bildirdi.

Ukrain deñizcilerini ve 3 gemisini deral ve şartsız azat etip qaytarmaq muim olğanı qayd etildi.  Lehistan çetel işler Nazirliginiñ yolbaşçısı Avropa Birliginiñ bütün aza memleketlerinden Ukrainanıñ egemenligini ve topraq bütünligini ğayrıdan tiklev içün küreşte Ukrainağa qol tutuvnı bildirdi.

Taraflar ekitaraflama munasebetler ve halqara tertip kibi muim meseleler boyunca fikir almaştılar. Azaq ve Keriç boğazı suvlarında deral gemicilik serbestligini ğayrıdan tiklemek ve regionda vaziyetni sakinleştirmek oğrunda BMT Havfsızlıq Şurası, AHİT nazirleri Şurası, Avropa Birligi Şurası kibi nufuzli halqara meydançıqlarnı qullanmaq maqsadınen taraflar adımlarnı uyğunlaştırdılar.