“Bazı memleketlerniñ menfaatları olarğa halqara uquqnıñ ahlâqiy ve etik printsiplerini körmemezlikke urmağa imkân bere”, – Mustafa Cemilev, qırımtatar halqınıñ lideri.

Öz çıqışında qırımtatar halqınıñ lideri Mustafa Cemilev, işğalci memuriyeti tarafından tamır halqnıñ taqip etilmesi tendentsiyası diqqatqa alınğanda, Qırımnıñ azat etilmesi – qırımtatar halqınıñ bar oluv ya da tamamınen yoq olıp ketüv meselesi olğanını qayd etti. Al-azırda Rusiye yalıñız Ukrayinağa qarşı degil, bütün medeniy dünyağa qarşı cenk alıp bara.

Mustafa Cemilev ayrıca, Rusiye ile Ukrayina arasında mecburiy yapılğan er bir sözde “barışıq añlaşması” yañı, daa qanlı cenkke yol açacağını bildirdi.