“Serbest Qırımğa mektüpler” teşebbüsi çerçivesinde Suleyman Mamutov 2019 senesi semetdeşlerine destek köstergeni içün qanunsız şekilde 14 yıl apis müddetine mahküm etilgen qırımtatarı, jurnalist Ruslan Suleymanovnıñ mektübini oqudı.

Suleyman Mamutov – qırımtatarı, halqara uquq mütehassısı, BMT tamır halqlar meselelerinden Daimiy forum azası. Suleyman, insan aqları içün küreşniñ müimligini añlay. Ruslan Suleymanov da işğal etilgen Qırımda halqınıñ aq-uquqları içün küreşti ve bu sebepten basqılarğa oğrap, apiske atıldı.

Onıñ içün Suleyman Mamutov aqları qaba şekilde bozulğan, bizim destegimizge ihtiyacı olğan insanlarnıñ adından muracaat ete.

Bugün Ruslan Suleymanovnıñ doğğan künü. O, bu künni yaqın insanlar ve aqrabaları arasında keçire bilir edi, amma işğalciler onı laqaytsızlığı ve faaliyeti, işğalge razı olmağanı içün qanunsız şekilde rus apishanesine qapattı. Bu kün destek sözleri Ruslan içün pek müim bir timsal. Destek sözleri oña unutılmağanını ve tuvğan toprağında beklenilgenini kösterir.

Mayısnıñ 19-na qadar siz de Ruslan Suleymanov ve Kremlniñ başqa mabüsleri, Ukrainanı desteklegen ve Qırımnıñ işğaline qarşı çıqqanları içün mahküm etilgenlerge destek sözlerini yaza bilesiñiz.

“Serbest Qırımğa mektüpler” teşebbüsine qoşulıñız. Mektüp yazıñız, bu aktsiya aqqında dostlarıñızğa ve zenaatdaşlarıñızğa aytıp beriñiz, içtimaiy ağlarğa paylaşıñız. Bu qolay adımlar yardımınen, semetdeşlerimizge qıyınlıqlarğa baqmadan, olarnıñ azatlığı içün küreşimizni devam etkenimizni kösteriñiz!

Qarşılıq devam ete!