Hatırlatamız ki, 2018 senesi saban (mart) ayı 22 künü Bağçasaray rayonınıñ Zalanköy köyünde Nariman Memedeminovnıñ evinde tintüv keçirildi.
”Memorial” insan aqları merkezi onı siasiy mabüs olaraq tanıdı ve Nariman Memedeminovğa qarşı yapılğan zülüm onıñ faal aq qorçalayıcı ve jurnalist faaliyetlerinen bağlı olğanına inana.
2019 senesi ekim (oktâbr) ayı 2 künü Cenübiy arbiy nahiye makemesi ”Qırım birdemliginiñ” grajdan jurnalistini yaşav tarzı koloniyasında 2 büçüq yılğa maküm etti.
Ukraina Prezidentiniñ Qırım Muhtar Cumhuriyetindeki Temsilciliginiñ taqımı Nariman Memedeminovnı azat etilmesinen can-yürekten hayırlay, Narimanğa ve qorantasına er taraflama yardım bermege azır olğanını bildire ve Qırım siyasiy mabuslarınıñ azat etilüvi oğrunda çalışmağa devam ete.
Foto: Qırım birdemligi