O, UA: Ukrain radiosı dalğalarında 100,7 FM sıqlığında ve orta dalğalarda 549 АМ sıqlığında Ukrainanıñ cenübinde ve qısmen Qırım yarımadasında yanğıracaqtır. Böyleliknen leyha köy yerleriniñ 100% ve Qırım şeerleriniñ 95% ve deerlik bütün Ukraina topraqlarını aqşam saatlarında qaplap alacaqtır.

”Ukrain radiosı. Qırım” aftada beş kere, bazarertesinden cumağace Kıyiv vaqıtı boyunca saat 19:10-dan 20:00 qadar yayınlanacaqtır.

Bazarertesi künleri saat 19:10-da qırımlılar, olarnıñ ayatiy ikâyeleri, medeniyetleri ve adetleri aqqında ”Millet. Qirim” yayını qırımtatar tilinde efirde olacaqtır.
Salı kününden cumaaqşamı kününe qadar saat 19:10-da ”UA: Qırım” televizion kanalı ile beraberlikte meydanğa ketirilgen ”Kün mevzusı” yayını yayınlanacaqtır.
Saat 19:40 bazarertesi kününden cumaaqşamı kününe qadar ”Qırım Ukrainadır” haber-talil aqşam yayınlavı efirge çıqacaqtır. Yayınlavnı Ukrain radiosınıñ bütündünya hızmeti azırlaycaqtır.

Cuma künleri saat 19:10-dan 20:00 qadar ukrain radio yayınlavnıñ tarihında ilk kere qırımtatar tilinde ”Keç gece show” muzıkalı-eglenceli yayın yanğıracaq, onı Muslim Umerov alıp baracaqtır.

”Keç gece show” muzıkalı-eglenceli yayın olaraq taqdim etilse de, anda pek ciddiy meseleler de muzakere etilecektir. Qural aynıñ 21-de efirge çıqacaq birinci yayında ukrainalı qırımtatatar siyasetçisi ve cemaat erbabı Refat Çubarov ve qırımtatar sanatçısı, stsenariyci ve stendap-komik Suleyman Umerov iştirak etecekler.

Leyhanıñ video şekili ”Ukrain radiosınıñ” YouTube kanalında yayınlanacaqtır: 

https://youtube.com/channel/UCMEMEhlnxpkTphipw-EpFMA

”Ukrain radiosı. Qırım” leyhasınıñ bütün çıqışlarını ”Ukrain radiosınıñ” İnternet saifesindeki ayrı bölükte de diñley bilirsiñiz: https://cutt.ly/ZbBQCsS

Tafsilâtlı malümat: https://crimea.suspilne.media/ua/news/4126