2018 senesi boş ay (noyabr) 29 künü Temsilcilikteki halqara alâqalar hızmetiniñ baş mesleatçısı Valeriya Pahomova ‘‘Keçmiş ile kelecek arasında qalğan mecburen köçkenlerlerniñ vaziyeti ve integratsiya meselesi’’ mevzusında tögerek masada iştirak etti.

Tedbirde Ukraina İlimler Milliy Akademiyasında (UİMA) migratsiya tedqiqatları bölüginiñ müdiri Oleksiy Poznâk, içtimaiy ilimler doktorı, UİMA halqşınaslıq İnstitutunda bölük müdiri vazifesini vaqtınca becergen Oksana İvankova-Stetsük, ‘‘Karitas Ukraina’’ halqara fonduniñ migrasiya meseleleri boyunca eksperti Andriy Nagirnâk, ‘‘Karitas Ukraina’’ halqara fonduniñ prezident yardımcısı, ekspertleri ve azaları, Vaqtınca işğal etilgen topraqlar ve memleket içinde köçken şahıslar meseleleri boyunca Ukraina Nazirliginiñ, Ukraina içtimaiy siyaset Nazirliginiñ, cemaat teşkilâtlarınıñ vekilleri ve matbuat vastalar iştirak etti.

Tedbir esnasında memleket içinde köçken şahıslarnıñ vaziyeti ve integratsiya meseleleri boyunca kompleks şekilde keçirilgen tedqiqatlarnıñ, bu cümleden memleket içinde köçkenlerni ve Ukrainadaki yerli halqnı integratsiya etüv içün temel olaraq işletilgen (Lehistan çetel işler Nazirliginiñ leyhası) Qorantağa qol tutuv Merkeziniñ modelini tedqiq etüvniñ neticeleri taqdim etildi. Keçirilgen tedqiqatnıñ maqsadı – memleket içinde köçken şahıslarnı integratsiya etüvniñ quvetleştirilmesine ekspert muitiniñ ve cemaatnıñ diqqatlarını celp etmek ve birdemlik, qabul etüv ve dostlaşuv vastasınen qabul etken cemiyetlerni bu yönelişte faalleştirmektir.

Memleket içinde köçken şahıslarnıñ ihtiyaçları ve başqa meseleleri muzakere etildi ve memleket içinde köçken şahıslarnıñ olarnı qabul etken muit ile integratsiyalarını quvetleştirüv vastaları boyunca tevsiyeler azırlandı. Valeriya Pahomova vaqtınca işğal etilgen Qırım civarındaki rayonlarda Memuriy hızmet merkezlerini donatuv, qırımlılarnı mesken ile temin etüv, vaqtınca işğal etilgen topraqlarnıñ sakinlerine Ukrainanıñ qıta qısımında memuriy, naqliy, tıbbiy ve tasil hızmetlerini berüv kibi Temsilcilikniñ kündelik faaliyetini tarif etti. Tedqiqatnı Herson ve Mıkolayıv vilâyetlerine keñişletmege kerek olğanını qayd etti.

Temsilcilik bilgisi ve vekâletleri çerçivesinde Ukrainanıñ vaqtınca işğal etilgen Qırım toprağından memleket içinde köçken şahıslarğa er türlü yardım bermege azırdır.