Vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençlerniñ diqqatına. Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege devam ete.

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

Mıhaylo Tugan-Baranovskıy adına Donetsk milliy iqtisadiyat ve ticaret universiteti – 100-yıllıq tarihına saip ve bugünde-bugün küçlü araştıruv ve maarif merkezine çevirilgen Ukraina aliy oquv yurtudır.

Azırlav kurslarında ukrain tili ve edebiyatı, Ukraina tarihı, riyaziyat ve ingliz tili kibi esas fenler boyunca oquv ceryanı 2021 senesi ilk yaz ayınıñ 29-dan arman ayınıñ 31-nece devam etecektir. Kurslardaki tasil yüküniñ acimi 225 saattır. Dersler cedvel boyunca bazarertesi-cuma künleri saat 9:00-15:00 keçirile, cumaertesi künleri başqa tedbirler keçirilecektir.

Azırlav kursları esnasında diñleyiciler 

– 4588,00 grivnâ miqdarında stipendiya alacaqlar,
– yataqhanede bedava yer ile temin etilecekler,
– medeniy, psihologik, sportiv tedbirler ve başqa vastalarnen temin etilecektir.

Kurslarğa qabul etilmek içün kelişken alâqa vastasını seçip, Donetsk milliy iqtisadiyat ve ticaret universitetine muracaat et, universitetten alınğan davetname ile KÇNN keçken soñ öz-özüñni etraf müitten ayırmaq şart degil.

Tel.: +38 (068) 222-60-54, +38 (099) 001-20-84 https://www.facebook.com/donnuet.tuganbaranovsky
E-mail: [email protected], [email protected]
https://donnuet.edu.ua
https://vstup.donnuet.edu.ua
50005, Dnipropetrovsk vilâyeti, Krıvıy Rig şeeri, Tramvayna soqağı, 16.