Kıyiv vilâyetinde işğal etilgen Qırımnıñ oquv müessiselerinde işğalcilerniñ tasil standartlarını ömürge keçirgeni iddia etilgen Yalta sakininiñ yaqalanğanı bildirile. Qırım Muhtar Cumhuriyeti ve Sevastopol şeeri Prokuraturası oña kollaboratsionist faaliyetinde şube bildirdi (Ukraina Cinaiy Kodeksiniñ 3 qısım, 111-1 maddesi).

2023 senesi davanıñ şubelisi öz isteginen Yaltadaki işğal idaresi tarafından yaratılğan orta mekteplerden birine yolbaşçılıq etmege başladı. Anda o, talebelerni «vatan qorçalayıcılarınıñ cesürliklerine» ve sözde «referendumnıñ» 11 yıllığına bağışlanğan teşviqat tedbirlerinde iştirak etmege faal celp ete edi.

2025 senesi dekabrniñ soñunda qadın Ukrayinanıñ idare etilgen territoriyasına soy-soplarını ziyaret etmek içün keldi – o sırada da tutıp alındı. Tintüv vaqtında Yalta sakininiñ yanında rusiye federatsiyası vatandaşığınıñ tışqı ve içki pasportları tapıldı. Şimdiki vaqıtta qadın içün endi profilaktik çare saylandı – o, 2 ayğa apiske alındı. Eger qadınnıñ qabaatı mahkemede isbatlansa, eñ büyük ceza, üç yılğa qadar apis cezası çıqarıla bile.