Bügün Nazirler Şurasınıñ nevbetten tış oturışuvında vaqtınca işğal etilgen Qırım ile memuriy sıñırdaki kiriş-çıqış nezaret etüv noqtalarını 2020 senesi ilk yaz ayınıñ 15-den açmaq qararı qabul etildi.

Memuriy sıñırnı keçüvnen bağlı meselelerni çezmek maqsadınen, Temsilcilik icra akimiyetniñ merkeziy organlarınen daimiy bağ tutmaqta edi. Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik ile beraberlikte KÇNN şaraitlerini vatandaşlarımız içün eyileştiruv ve Qırım ile memuriy sıñırnı keçüvnen bağlı meselelerni çezüv üzerinde çalışamız.

Niayet ilk yaz ayınıñ 15-de ”Çonğar”, ”Qalançaq” ve ”Çaplınka” KÇNN-da memuriy sıñırnı keçüv ile bağlı sıñırlamalar lâğu etilecektir. Vaqtınca işğal etilgen topraqtan kelip çıqqan vatandaşlardan özlerini etraf müitten ayırmağa talap etilecek.

Bügün aşağıdaki qararlar qabul etildi:

• vaqtınca işğal etilgen Qırım ile KÇNN ilk yaz ayınıñ 15-den açılacaq;
• vaqtınca işğal etilgen Qırım MC topraqlarından kelgen vatandaşlar yazılı şekilde ”Evde areket et” cep ilâvesi yardımınen özlerini etraf müitten ayırmağa razılıq berecekler.

Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikniñ bügünki qarar aqqındaki fikiri: https://cutt.ly/XueGj2G

Mütenasip sıñırlavlar devirinde Temsilcilik vatandaşlarımızğa memuriy sıñırnı keçmege faal şekide yardım ete edi. Karantin deviri devamında, yani saban ayınıñ 16-dan ilk yaz ayınıñ 10-nace, vatandaşlarımızdan kelgen 1867 muracaatnı baqıp çıqtıq. Muracaatlarında vatandaşlar aşağıdaki meselelerni köterdiler:

• kÇÇN-dan memuriy sıñırdan keçüv;
• observatorğa (izolâtorğa) yerleşüv ya da ”Evde areket et” elektron hızmeti vastasınen özlerini etraf müitten ayıruv;
• İzolâtsiya devirinde Tışqı mustaqil baalavında iştirak etmek maqsadınen qıtaiy Ukrainağa kelüv ve qıtada bulunuv.

Ukraina devlet sıñır hızmetiniñ Cenübiy regional idaresine, hususan Devlet sıñır hızmetiniñ Herson sıñır bölügi ile Berdânsk sıñır bölügine, Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikte ve Herson vilâyeti devlet memuriyetinde çalışqan meslekdeşlerimizge bu qıyın vaqıtta faal işbirlik qurğanları içün öz minnetdarlığımıznı bildiremiz.

Vaqtınca işğal etilgen Qırım Muhtar Cumhuriyetinen Aqyar şeeri ve vatandaşlarımıznıñ aq-uquqlarını qorçalav ile bağlı bir de bir sualinen muracaat etken vatandaşlarımızğa yardım köstermege daima azırmız.