Rus quvetçileri tarafından qanunsız olaraq tutıp alınğan qırımlı cemaat faali Volodımır Ananyevniñ davası rusiyeniñ rostov-na-donu şeerindeki Cenübir arbiy mahkemesine berildi. 

Faal 2024 senesi fevral 2 künü tutıldı, onı işğalci memuriyet hadimleriniñ arabalarını patlatmağa azırlanğanında qabaatlaylar. 

Volodımır Ananyev cemaat erbabıdır. O, işğal etilgen Qırımda uquqiy ve publitsistik faaliyetnen oğraşa edi, topraq saipleriniñ aqlarını qorçalay ve Ukraina Ortıdıks Kilisesine qol tuta edi. 

75 yaşındaki Volodımırniñ gipertoniyası ve belkemik quyuldığı bar,  közleri içün ise daima mahsus tıbbiy baqım kerek. Tutuluv şaraiti diqqatqa alınsa, mabüsniñ yaşayışı içün kerçek bir telüke bar.