2018 senesi (fevral) kiçik aynıñ 23 künü Daimiy Temsilciniñ Birinci muavini İzet Gdanov Kyiv politehnika institutında tamam 100 yıl evelsi elâk olğan belli qırımtatar siyasetçisi ve yolbaşçısı Noman Çelebicihannıñ hatırasına bağışlanğan küreş yarışı galipleriniñ mukâfatlandıruv merasiminde iştirak etti. Yarışta Qırımdan ve Ukrainanıñ diger regionlardan onlarnen sportçı iştirak etti. Farqlı yaşta olğan küreşçiler farqlı çeki kategoriyalarda (28-den 100+ kg qadar) küç sınaştılar.

Altın ğalipçilerniñ episi baş mükâfat – birer tiri qoçqar aldı, bundan ğayrı, hatıra kuplar, fahriy yarlıqlar, teşekkürler ve para mükâfatları taqdim etildi.