Apisten evelki yaşayışı
Ruslan Suleymanov 1983 senesi aprelniñ 21-nde Özbekistannıñ Ferğana vilâyetindeki Kokand şeerinde 1944 senesi sovet rejimi tarafından Qırımdan sürgün etilgen qırımtatar qorantasında doğdı. 1989 senesi №2 orta mektepniñ birinci sınıfına kirdi.
1993 senesi Qırımğa qaytqan soñ tasilini Qarasuvbazar rayonınıñ Küçük Burundıq orta mektebinde devam etti, mektepni 2000 senesi altın medalnen bitirdi. Aynı yıl Vernadskiy adına Tavriya milliy universitetine oqumağa kire. Üniversitette magnit adiselerniñ fizika fakultetinde oquy, 2005 senesi ise mezun ola.
2004 senesi oktâbr ayından 2006 senesi yanvar ayına qadar Tavriya ekologiya institutında laborant olıp çalıştı. 2012 senesi programmacı olıp çalıştı, soñra balalar içün fizikadan şahsiy dersler bermege başladı.
Bir qaç kere çetelde çalışma teklifini alsa da, episini red etip, Qırımda qalmaqnı ve siyasiy mabüslerniñ qorantalarına yardım etmekni öz borcu olaraq kördi. “Qırım birdemligi” cemaat birleşmesiniñ faal iştirakçisi edi.
Taqipler
У лютому 2017 року Руслана Сулейманова затримали біля будинку політв’язня Марлена Мустафаєва. Тоді окупанти засудили його до п’яти діб адміністративного арешту за нібито участь у несанкціонованому мітингу.
2017 senesi fevral ayında Ruslan Suleymanovnı siyasiy mabüs Marlen Mustafayevniñ evi yanında tutıp aldılar. İşğalciler oña izinsiz mitingte iştirak etkeni içün beş künge memuriy apis cezasını berdi.
2017 senesi oktâbrniñ 15-nde repressiyalarğa oğrağan qırımtatarlarğa qol tutmaq içün yapılğan bir kişilik piketke çıqtı ve işğalci “mahkemesi” tarafından 10 000 ruble para cezasını aldı. Ondan soñ zorbalıqnen onıñ parmaq izleri ve DNK numüneleri alındı, botoskopiya yapıldı, fotoresimi çıqarıldı ve mahkeme vesiqaları azırlanmadan onı azat ettiler.
2019 senesi martnıñ 26-nda işğalci quvetler Suleymanovnı Qırım ile memuriy sıñırdaki “Kalançak” noqtası yanında tutıp aldılar, onı 7 saat bekletip, pasportını qullanılmaz alğa ketirdiler. Ertesi künü, martnıñ 27-nde, o apiske alındı.
2022 senesi noyabrniñ 24-nde rusiyeniñ rostov-na-donu mahkemesi “terrorizm” ve “akimiyetni zapt etme suiqastı” aqqında sahte qabaatlavlar sebebinden Ruslan Suleymanovnı 14 yılğa qadar apis cezasına mahküm etti. Aynı ükümde diger faaller de – Rustem Şeyhaliyev ve Osman Arifmetov 14-er yıl sert rejimli apis cezası aldı. Birinci dört yıl apishanede, daa bir yıl azatlıqnı sıñırlav.
Apis müddeti
2024 senesi fevralniñ 1-nde rusiye federatsiyasınıñ moskva vilâyeti vlasiha şeerindeki apellâtsiya mahkemesi qorçalav tarafınıñ istinaf arizasını red etip, Ruslan Suleymanovnıñ ükmüni deñiştirmedi.
2024 senesi mart-aprel aylarında siyasiy mabüs qanunsız şekilde rf-niñ novoçerkassk SİZOsından çelâbinsk vilâyetiniñ verhnouralsk apishanesine avuştırıldı. Avuştırılması 26 kün devam etti, bu ise fizikiy yorğunlıqqa, hususan keskin ağrılarğa ve sıcağı köterilmesine yol açtı.
2025 senesi mayıs ayında vernouralsk apishanesiniñ memuriyeti sözde “ekstremist ideologiyasına bağlılığı, qaçmağa ve ücümge meyilli olğanı” içün mabüsni ihtisas cedveline kirsetti.
Ruslannıñ doğuştan yürek hastalığı bar, onıñ tahikardiyası bar. Apishaneniñ tibbiy hadimlerine bir qaç kere muracaat etkenine baqmadan, oña kerekli tibbiy yardım kösterilmedi. Şikâyetlerge cevap olaraq ekimler oña spirtli ilâclarnı içmege teklif ettiler, amma mabüs diniy sebeplerden dolayı bunı qabul etmedi. Qırımtatarı tutılğan kamerada pek çoq nem bar, avalandırma pek yaramay, ısıtması yoq, gigiyenik vastaları temin etilmey.
Ruslan Suleymanovnıñ ikâyesi 2025 senesi aprel ayında Kıyivde taqdim etilgen “Qırımnıñ serbest sesleri” kitabına kirsetildi. Neşir, vatandaş mevamı ve jurnalist faaliyeti sebebinden taqip etilgen 16 qırımlı jurnalistke bağışlana ve PEN Ukraine, The Ukrainians Media, ZMINA insan aqları merkezi ve Vivat neşriyatınen işbirlikte çıqarıldı.