Tutuluvdan evel yaşayışı

Volodımır Mihaylovıç Dudka – ukrayin arbiy deñizcisi, Ukrayina Silâlı quvetleriniñ Arbiy-deñiz quvetleriniñ 2-nci derece kapitanı. 1964 senesi Lugansk vilâyetiniñ Severodonetsk şeerinde doğdı.

1988 senesi Kaliningrad aliy arbiy-deñiz oquv yurtunıñ radiotehnik fakultetini bitirdi. Oquvdan soñ Qara deñiz flotunıñ Qırımdaki 112-nci brigadasında hızmet etti. “Odograf” ve “Okean” istihbarat gemilerinde hızmet etip, Aq deñiz ve Atlantik okeanında arbiy hızmetlerde iştirak etti.

Bundan ğayrı, Volodımır “Si Briz-96” ve “Si Briz-97” halqara talimlerinde iştirak etti. Hızmet vaqtında gemide Ukrayinanıñ 2-nci prezidenti Leonid Kuçmanı qabul etti. Qırım işğal etilgen soñ yarımadada qaldı.

Taqipler

9 noyabr 2016 senesi Volodımır Dudka FSB hadimleri tarafından Aqyarda Oleksiy Bessarabov ve Dmıtro Ştıblikov ile birlikte tutuldı. Olarnı sözde “teşkil etilgen gruppa tarafından diversiya azırlav” ve silâ saqlavda qabaatladılar. Tevqiten soñ Volodımır tecritte tutulıp, psikologik basqılarğa oğratıldı. 4 aprel 2019 senesi o, 14 yılğa azatlıqtan marum etildi.

Apiste

Volodımır Dudkanıñ ükmü çıqarılğan soñ, o, rusiyeniñ stavropol şeerindeki koloniyasına avuştırıldı. Tuvğanları ve uquq qoruyıcılarnıñ malümatına köre, sağlığı fenalaştı. Hususan, o, aşqazan ülseri, gipertoniya, eşken, prostata adenoması ve üriyet taş hastalığından qıynala. Bunen beraber oña tibbiy yardım kösterilmey ve qorantasınen bağ sıñırlana.