İşğalciler siyasiy mabüs Riza Omerovnı qanunsız şekilde rusiyeniñ çuvaş çumhuriyetindeki cezahanege avuştırdılar.

O, apishaneden apayına telefon açtı. Mabüsniñ ömür arqadaşı, 2023 senesi dekabr ayından berli aqayınen qonuşmağa imkân olmağanını bildirdi:

Yarım yoldan soñ, men Rizanıñ sesini eşittim. Dekabr ayından berli telefon açmadı. İlk evelâ balalarnıñ, ana-babasınıñ sağlığını, menim sağlığımnı soradı. O, pek tüşüne ve qasevetlene. Er keske, cemaatqa büyük selâm ayttı ve tezden qaytıp, er kesnen körüşücegine ümüt etkenini söyledi.

Qırımtatarı 2019 senesi iyünniñ 10-da evinde keçken tintüvden soñ tevqif etildi. 2020 senesi yanvarniñ 12-de rus mahkemesi Riza Omerovnı “terror teşkilâtınıñ faaliyetinde iştirak etken”de qabaatlı olaraq tanıdı ve onı 13 yılğa mahküm etildi.

2019 senesi Avropa parlamenti ukrain siyasiy mabüsleriniñ, şu cümleden Riza Omerovnıñ azat etilmesi içün beyanname qabul etken edi.

Temsilcilik rusiye işğalcileri tarafından sistematik tarzda Ukraina vatandaşlarınıñ aqları bozuvlarını takbih ete ve halqara toplulıqnı Ukraina vatandaşlarını qanunsız köçürüv ve halqara gumanitar uquq normalarını bozıp, insanlarğa qarşı şidettini devam ettirgen rusiyeniñ mesüliyetke çekilmesine çağıra.