Qırımnıñ işğalci “idaresi” qırımtatar jurnalistini ve “Merkez Plus” qırımtatar programmasınıñ alıp barıcısına eki memuriy madde boyunca 33 biñ ruble (tahminen 18 biñ grivna) cöreme ödettiler. Qabaatlavlar, “Rusiye ordusınıñ itibarını tüşürüv” ve “ekstremistik materiallar yaratmaq”nen bağlı olğanı iddia etile.

Hususan, iddia etilgen “ekstremizm” qabaatlavınıñ esasında Dülberniñ müellifdeş olğan “Siyasiy meydannıñ transformatsiyası şaraitlerinde qırımtatarlar” adlı ilmiy iş oldı. Eser İvan Franko adına Qırım ilmiy kitaphanesinde saqlanıla edi. Onda, sözde “mutehassıslar” işğalciler tarafından “Qırım musulmanlarınıñ davası” dep adlandırılğan davağa sebep olaraq qullanılğan “Hizb ut-Tahrir” teşkilâtınıñ ve Qırımtatar Milliy Meclisiniñ “faaliyetini aqlağan” parçalarnı tapqanları iddia etile.

Bundan evel, 2025 senesi dekabr ayında işğalciler Sudaqta jurnalistniñ evinde tintüv keçirdiler. Lenora Dülbertniñ anası aytqanına köre, küçler kitaplarnı, vesiqalarnı ve donatmalarnı teşkerdiler, tintüvden soñ onıñ kompyüterini ve telefonını tartıp aldılar. Tintüv vaqtında Lenoranıñ özüni de tutıp, Aqmescitke sorğuğa alıp kettiler, amma soñra çıqardılar.

2014 senesinden başlap işğalci “idare” ve havfsızlıq küçleri qırımtatarlar ve ukrayin tarafdarı olğan faallerni sistemalı sürette taqip etip, evlerinde tintüvler keçireler. Bugünge qadar “rusiye federatsiyasınıñ silâlı küçlerini itibardan tüşürgen cemaat areketleri” maddesi boyunca tertip etilgen materiallarnıñ 1657 davanı teşkil etkeni qayd etilmekte.

Temsilcilik rusiyeniñ areketlerini takbih ete, bu areketler vaqtınca işğal etilgen Qırımda qırımtatar cemaatına qarşı siyasiy repressiya ve maqsatlı taqipniñ daa bir delilidir.