İşğalci “mahkeme” qırımtatar faalleri Memet Lümanov, Rustem Osmanov, Aziz Azizov ve Mustafa Abduramanovnıñ qanunsız tevqifini 2024 senesi noyabr 4-ke qadar uzattı.

Memet Lümanov, Rustem Osmanov, Aziz Azizov ve Mustafa Abduramanov Qırım siyasiy mabüsleriniñ “mahkeme” oturuşlarını daimiy şekilde ziyaret etken ve Kreml mabüsleriniñ qorantalarına qoltutqan qırımtatar faalleridir. Olarnı martnıñ 5-nde rusiye havfsızlıq küçleri tarafından Bağçasaray ve Canköy rayonında qırımtatar faalleri ve din erbaplarınıñ evlerinde keçirilgen kütleviy tintüvlerden soñ sebepsiz şekilde tutuıp aldılar.

Tevqif etilgenlerniñ episi “terror teşkilâtını quruv ve onda iştirak etüv”de qabaatlana. Tevqif ve “sıñırlama” tedbirni seçüv vaqtında insan aqları qorçalayıcıları bu qararnıñ temelsiz olğanını, taraflarnıñ şeffaflığı ve musaviyligini bozğanı aqqında bildirdiler, çünki qapalı ceryanda tek qabaatlav tarafı iştirak etti.

Temsilcilik işğalciler tarafından artqan basım astında olğan qırımtatar faalcileri ve din erbaplarınıñ işğal etilgen Qırımda qanunsız taqip etilmesini ve qanunsız apske alınuvını qattı qabaatlay. Biz halqara cemiyetni, çet memleketlerniñ yolbaşçılarını ve parlamentlerini, insan aqları qorçalayıcılarını ve jurnalistlerni Rusiyege basımnı arttırmağa ve Qırımnıñ deokkupatsiyasını tezce teşviqat etmege çağıramız, bu ise rus işğalcileriniñ özbaşınalığını toqtatmaq içün bütün demokratik dünyanı sınamaq.

Temsilcilik Ukraina vatandaşlarınıñ rus işgalcileri tarafından qanunsız şekilde apis etilmesini tenqit ete ve halqara toplulıqnı, bütün halqara uquq normalarını bozıp, Ukraina vatandaşlarını basqı köstermege devam etken rusiyeniñ nevbetteki cinayetlerine qarşılıq köstermege çağıra.