2019 senesi yanvarniñ 17-nde Ukraina Prezidentiniñ Qırım Muhtar Cumhuriyetindeki daimiy temsilcisi vekili Olga Kurşko Ukraina cemaat ve topraqlarınıñ inkişafı nazirligi tarafından teşkil etilgen ve Ukraina cemiyetleri ve topraqlarınıñ inkişafı mevzusına bağışlanğan strategik sessiyada iştirak etti. Tedbirde Harkiv, Sumı ve Çernigiv vilâyetleri içün strategik planlaştıruvğa, em de Qırımnıñ işğalden qurtarıluvından soñ tiklenilmesi aqqında söz yürsetildi. Tedbir “Regional strategik planlaştıruv – tiklenüv, inkişaf ve koordinatsiyanıñ semereli mehanizmleri” seriyasında yedinci ve soñki sessiya oldı.

İlk olaraq, Daimiy Temsilci vekili Temsilcilikniñ çalışmaları aqqında aytıp berdi,  hususan, iqtisadiy tiklenüv strategiyası ve Qırımnıñ azar etilmesinden soñ ukrain devletiniñ ögde turğan adımları aqqında söz yürsetti. Olga Kurışko bu adımlarnıñ Qırımda ukrain akimiyetini tiklevden, kadrlar azırlavından ve oqutuv ceryanını teminlemekten, em de vaqtınca işğal etilgen topraqlarda vatandaşlarımıznıñ vesiqa meselerine çezmekten ibaret olacağını qayd etti.

Olga Kurışko öz çıqışında Qırım üzerinde nezaret tiklengen soñ onıñ iqtisadiy tiklenüviniñ esas yönelişlerini de qayd etti. İnkişafnıñ esas saaları arasında yañı astyapı, Qırımnı zemaneviy Avropa naqliye sistemalarına integratsiya etmek içün astyapını restavratsiya ve modernizatsiya etüv, ondan da ğayrı ekologik istisalnı kirsetüv. Ayrıca Qırımnıñ kögnitiv deokupatsiyası strategiyası ve onıñ devlet seviyesinde ömürge keçirilmesiniñ emiyeti de qayd etildi.