Afta içinde olıp keçken esas vaqialar
▶ Vaqtınca işğal etilgen Aqmeçitte işğalciler 2025 senesi fevral ayından başlap, acele yardım ekimi Tamara Çernuhanı “devlet hainliginde” sahte qabaatlavlarnen qanunsız şekilde tevqif etmekte. Apiske alınğanından berli oña qarşı bir de bir qabaatlav olmadı, tuvğanlarına ise onı körmege ve er angi malümat almağa yasaqlaylar. Bundan da ğayrı, qadınnıñ ciddiy sağlıq meseleleri bar, tibbiy yardımsız qalması ise onıñ ayatını telükege oğrata.
İşğal cinayetleri
▶ İyünniñ 2-ne qadar işğalciler qanunsız şekilde 222 kişini tevqif etti, olar arasında 133 kişi – qırımtatarı.
▶ 2 iyün 2025 s. qadar Qırımda işğalci “makemelerde” rusiye federatsiyası Memuriy uquq bozuvları kodeksiniñ sözde “rus ordusını itibardan tüşürüv” maddesine köre protokol tizilgen 1350 vaqia qayd etildi. 1209 vaqiada cöreme belgilendi ya da daa ağır uydurılğan “cinayetler” aqqında qarar çıqarıldı. 38 vaqia baqılmağa devam ete. Olardan 591 protokol (49%) qadınlarğa qarşı, 617 (51%) ise erkeklerge qarşı çıqarıldı.
▶ Mayısnıñ 27-nde rusiyeniñ sözde “mahkemesinde” qanunsız şekilde Qırımda tutulğan beş qırımtatarnıñ davası boyunca oturışuv olıp keçti. Nevbetteki toplaşuv iyünniñ 19-na tayin etildi. Dava iştirakçileriniñ episi qabaatlarını red ete ve siyasiy taqipke oğrağanlarını bildire.
▶ Rus işğalcileri, Simeiz sakinini Ukraina mudafaa quvetleri terkibindeki göñülliler korpusına sanki qoşulmağa tırışqanı içün 12 yılğa qadar apis cezasına mahküm ettiler. Erkek, sanki, özü birleşmeniñ vekillerinen bağğa keçip, talimat aldı, amma yarımadadan çıqqance tevqif etildi. Birinci eki yılını o apishanede keçirecek, qalğanını – sert rejimli koloniyadada.
▶ İşğalciler 59 yaşındaki Canköy sakinini sözde “devlet hainligi” içün 20 yılğa qadar apis cezasına mahküm ettiler. 2022 senesi adam sanki Ukraina telükesizlik hızmeti ile bağlanıp, işğal etilgen yarımadada rusiye mudafaa nazirligi ve rusiye gvardiyasınıñ bulunğan yerlerini bildirgen.
Zorbalıqnen seferberlik
▶ Rusiye ordusınıñ Qırımda bulunğan bölüklerinden eñ az 1955 asker öldi. Olar arasında 1296 kişiniñ Ukraina vatandaşı olğanı tahmin etile.
▶ İşğal etilgen Qırımdan eñ az 119 rf arbiy hadiminiñ esirge alınğanı tasdıqlandı, olarnıñ çoqusı ihtimal Ukraina vatandaşı.
Qırım yarımadasınıñ askeriyleştirüvi:
▶ Monitoring gruppaları, S-300/S-400 zenit-raketa kompleksi uçuruv tertibatınıñ vaqtınca işğal etilgen Aqyardan Kezlev rayonına avuştırılğanını bildire. Bu, mayısnıñ başından berli bölgede rusiye arbiy obyektlerine tertipli olaraq ücümler yapılğanı sebebinden, avadan mudafaa sistemasınıñ quvetleştirilmesinen bağlı ola bile. Bundan da ğayrı, tertibat ukrain ücümleri neticesinde zarar körgen ya da bozulğan cihazlarnıñ yerine ketirilgeni tahmin etile.
İşğalci memuriyetleriniñ propagandası ve duşmanlıqnı qızıştırma
▶ Rus işğalcileri vaqtınca işğal etilgen Qırımdaki benzin stantsiyalarındaki yazılarnı çin tiline deñiştire. Rus levhalarnıñ yanında qırımtatar ve çin tilinde tercimeler bar. İşğal etilgen Qırımda resmiy olaraq “devlet tili” statusını taşığan ukrain tili, levhalarda yer almamaqta.
▶ Rus işğalcileri studentlerni vaqtınca işğal etilgen Lugansktan işğal etilgen Qırımğa sözde “göñüllilik” içün ketire. Olarğa Anapada mazut tökülmesiniñ aqibetlerini temizleteler. Ketmege istemegenlerni oquştaan çıqarmaqnen, yataqhaneden quvmaqnen ya da sınavlardan keçmemeknen qorqutalar.
▶ Житель окупованого Криму нібито підтримував донатами український підрозділ “Азов”. Російські загарбники затримали чоловіку, звинувативши його у нібито “фінансовому тероризмі”. Проти нього окупанти відкрили кримінальну справу.
Cemaat qarşılığı
▶ İşğal etilgen Qırımnıñ sakini ukrain bölügine sanki yardım etken. Rus işğalcileri adamnı tevqif etip, onı “maliyeviy terrorizmde” qabaatlaylar. İşğalciler oña qarşı cinaiy dava açtılar.
▶ “Jovta striçka” (“Sarı şerit”) areketiniñ faalleri Aqmescitte, Kezlevdeki Odun Bazar qapısı yanında ve Yaltada Lesia Ukrainka abidesi yanında patriotik yarlıçıqlar dağıttılar. Faallerniñ qayd etkenine köre, rus işğaline baqmadan, Qırım sakinleri Ukraina Silâlı quvetlerine qol tutqanlarını köstermege devam eteler. Faaller ayrıca, vaqtınca işğal etilgen Yaltanıñ mekteplerinde 11-inci sınıf talebeleri içün RF silâlı quvetlerinde hızmetke teşviqat elementleri ile terbiye işleriniñ keçirilmesi aqqında haber etmekte. Olarnıñ aytqanına köre, mektep talebeleri arbiy hızmet içün tasillerinden vazgeçmege teşviq etile.
▶ “Krımski boyovi çaykı” (“Qırımnıñ cenkâver çağalaları”) faalleri işğal etilgen Qırımda satqınlarnıñ ve işğalcilerniñ şahsiy malümatlarını bildirmege devam ete. Faaller, rusiyeniñ strategik aviatsiyasını yoq etmek içün Ukraina telükesizlik hızmeti tarafından keçirilgen muvafaqiyetli operatsiyadan soñ işğalciler arasında qorqu artqanını bildireler.
▶ “Zla Mavka” (“Açuvlı Mavka”) qarşılıq areketiniñ faalleri Aqmescitte “Dünya sarsılsa bile, qarşılıq devam etecek” yazısı ile stikerlerni yerleştirdiler.
Temsilciligimizge, işğalge ve total propagandağa dayanalmayıp Qırımdan ketmege istegen Ukraina vatandaşlarından mektüpler kelmege devam etmekte. İşğal etilgen Qırımdan çıqış hususında talimatnamemiz aqqında hatırlatamız: https://cutt.ly/FwtiajlS
İşğal etilgen Qırımda yaşağan ve yarımadadaki vaziyet, içtimaiy-iqtisadiy vaqialar, rus ordusınıñ yerini deñiştirüvi, qarşılıq areketleri ve başqa adiseler aqqında haber etken añlayışlı Ukraina vatandaşlarına teşekkürlerimizni bildiremiz. Tafsilâtlı malümatnı Temsilcilikniñ matbuat hızmetiniñ e-mail adresine yollañız: [email protected].
Ukrainağa şan-şüret!