Afta içinde olıp keçken esas vaqialar
▶ Baş ştab, Gvardiyske civarında “Nebo-SVU” radiolokatsiya stantsiyasınıñ zarar körgenini bildirdi.
▶ 414-inci “Madâr quşları” ayrı brigadası Kefede “Pantsir-S1” zenit-raketa kompleksine, Aqmeçit ve Aşağı otuzda “İskander” operativ-taktik raketa kompleksiniñ bazalarına, em de Büyük Onlar ve Ulaqlı köyünde eki neft bazalarına ücüm etti.
▶ Bundan ğayrı, Ukrayina telükesizlik hızmetiniñ arbiy hızmetleri üç arbiy gemini urdı: rf Arbiy deñiz quvetleriniñ eki büyük desant gemisi “Yamal”, “Azov” ve bir belli olmağan çeşit. Bundan da ğayrı, “Delfin” kommunikatsion sistemasınıñ antenna blokı, “Miss-M1” MR-10M1 radar stantsiyası ve “Yugtorsan” neft bazasınıñ yaqıt rezervuarları zarar kördi.
▶ Mudafaa nazirliginiñ “Prımara” mahsus bölügi Aqyarda eki desant gemisini urdı: VDK 775 “Yamal” ve VDK 1171 “Nikolay Filçenkov”. Olar “Podlot-K1” radiolokatsiya stantsiyasını da yoq ettiler.
▶ Milliy tirenüv merkeziniñ malümatına köre, işğalci akimiyet apishanelerniñ psihologlarını vaqtınca işğal etilgen topraqlarda çalışmaq içün azırlay, olarnı esirlerge psihologik tesir etüvniñ yañı usullarına ögrete.
İşğal cinayetleri
▶ Aprelniñ 20-ne qadar işğalciler qanunsız şekilde 286 insannı tutıp aldı, olardan 159 – qırımtatarı.
▶ 2026 senesi aprelniñ 20-ne qadar vaqtınca işğal etilgen Qırımda “rusiye federatsiyasınıñ silâlı quvetlerini itibardan tüşürüv” aqqında rf memuriy cinayetler kodeksiniñ 20.3.3 maddesine köre açılğan 1722 dava qayd etildi. 1591 davada para cezalarınıñ berilmesi ya da davalarnıñ birleştirilmesi aqqında qarar alındı. 17 davanıñ baqılması daa devam ete. Qararlarnıñ 843 (53%) qadınlarğa qarşı ve 746 (47%) erkeklerge qarşı çıqarıldı.
▶ Siyasiy mabüs Arsen Abhayırovnıñ sağlığı fenalaşa. O, baş ağrısı, qan basuvınıñ deñişmesi ve körme qabiliyetiniñ fenalaşuvından azap çeke. İşğalciler Abhayırovnı daa 2019 senesi tintüvlerden soñ tutıp aldı, soñra ise sahte dava boyunca 13 yıl apis cezasına mahküm etti. Şimdiki vaqıtta onı rusiyeniñ çuva cumhuriyetindeki 9-ncı koloniyasında tutalar.
▶ Diger siyasiy mabüs – Ernest Seytosmanov rusiye federatsiyasınıñ vladimirdeki “vladimirskıy tsentral” koloniyasından irkutsk vilâyetindeki 2-nci apishanege avuştırıldı. 2023 senesi mayıs ayında onı sahte dava sebebinden 17,5 yılğa qadar apis cezasına mahküm ettiler.
▶ Sergiy Lihomanov rf territoriyasından vaqtınca işğal etilgen Qqmescitteki 2-nci SİZOğa avuştırıldı. İşğalciler başta aqaynı “patlayıcı taşığanında” qabaatlap, 5 yıl koloniyada qalmasına üküm etti. 2025 senesi oktâbr ayında bu madde “devlet hainligi” olaraq deñiştirildi ve 15 yıllıq apis cezası berildi.
▶ Rusiyeliler daa bir siyasiy mabüs – İgor Kupıçnı – rusiyeniñ komi cumhuriyetiniñ 25-nci apishanesine avuştırdılar. Koloniyada esirlerniñ faal sürette Ukrayinağa qarşı cenkte iştirak etmege celp etilgeni aqqında belli. Daa evel aqaynı “diversiya azırlağanı” içün 10 yılğa qadar apis cezasına mahküm ettiler.
▶ Bu deñişüv daa evel sahte dava boyunca 12 yıl apis cezasına mahküm etilgen Seyran Hayredinovnı da keçmedi. İşğalciler onı rusiye federatsiyasınıñ pskov vilâyetindeki 6-ncı apishanege avuştırdılar.
Zorlavnen seferberlik
▶ Rusiye ordusınıñ Qırımda bulunğan bölüklerinden eñ az 3034 asker öldi. Olar arasında 1555 kişiniñ Ukrayina vatandaşı olğanı tahmin etile.
▶ İşğal etilgen Qırımdan eñ az 125 rf arbiy hadiminiñ esirge alınğanı tasdıqlandı, olarnıñ çoqusı ihtimal Ukrayina vatandaşı.
İşğalci memuriyetleriniñ propagandası ve duşmanlıqnı qızıştırma
▶ “Sarı şerit” areketiniñ faalleri bildirgenine köre, rusiye federatsiyasında sentâbr 1-den itibaren .ru, .rf ve .su domenleriniñ saipleri saytlarnı “Devlet hızmetleri/Gosuslugi” portalında qayd etmege ve “Birleştirilgen identifikatsiya ve autentifikatsiya sisteması” vastasınen teşkerüvden keçmege mecbur olacaqlar. Aslında bu, saytlarnıñ anonim idare etilmesini imkânsız etecek ve İnternet resursları üzerinde devlet kontrolini quvetleştirecek.
▶ Ruslar gençlerni muntazam sürette arbiyleştirmege devam eteler. Misal içün, bu afta olar “Zarnitsa 2.0” arbiy-vatanperver oyunını keçirgenler, amma artıq Aqmescit rayonındaki Novoandrievskaya mektebinde. “Oyun”ğa 11 oquv yurtunıñ talebeleri qoşuldı. Mektep talebeleri “rf silâlı quvetleriniñ tarihını ögrenüvde”, qurucılıqta, em de fizikiy ve arbiy-taktik azırlıqta yarıştılar.
▶ Bundan ğayrı, işğalciler “Artek” lagerinde gençler içün BpLA/insansız uçquçarnı idare etüv kurslarını açtılar. Programmada idareci trenajorlar ve kerçek BpLA-larnı idare etüv, em de himiyeviy tehnologiyalar ve suniy zekâ ile idare etüv sistemalarınen bağlı programmalarnen tanış ola.
▶ Rusiye gençler içün “propaganda gezileri” teşkil ete. İşğalciler Zaporijjâ vilâyetinden Qırımğa, yani “Artek” lagerine ve Qırım mekteplerine 50 balanı ketirdi. İşğalciler böyle etip balalarda ukrayin kimligini yoq etmege ve yañı nesilde tarihnıñ “doğrulığını” şekillendirmege tırışalar.
Temsilciligimizge, işğalge ve total propagandağa dayanalmayıp Qırımdan ketmege istegen Ukraina vatandaşlarından mektüpler kelmege devam etmekte. İşğal etilgen Qırımdan çıqış hususında talimatnamemiz aqqında hatırlatamız: https://cutt.ly/FwtiajlS
İşğal etilgen Qırımda yaşağan ve yarımadadaki vaziyet, içtimaiy-iqtisadiy vaqialar, rus ordusınıñ yerini deñiştirüvi, qarşılıq areketleri ve başqa adiseler aqqında haber etken añlayışlı Ukrayina vatandaşlarına teşekkürlerimizni bildiremiz. Tafsilâtlı malümatnı Temsilcilikniñ matbuat hızmetiniñ e-mail adresine yollañız: [email protected].
Ukrayinağa şan şerefler olsun!