Keçken afta olıp keçken esas vaqialar:

▶ Ukraina Nazirler kabineti, rus imperatorlığınıñ Qırım yarımadasınıñ milliy menligini ve medeniy asabalığını yoq etüv maqsadınen yapılğan siyaseti neticesinde silingen eñ az 22 coğrafik yerniñ tarihiy adlarını qaytarmaqnı teklif etti.

İşğal cinayetleri:

▶ Yanvarniñ 20-ne qadar işğaslciler qanunsız şekilde 218 insannı tutıp aldı, olar arasında 132-si – qırımtatarı. Umumiy sayıdan 43 – tevqif etildi (28-i qırımtatarı), 151 – mahküm etildi (97-i qırımtatarı), 26 kişi – statussız (olar arasında 6-sı qırımtatarı).

▶ Vaqtınca işğal etilgen Qırımda, sözde “makemelerge” rusiye federatsiyası Memuriy uquq bozuvları kodeksiniñ 20.3.3 maddesine köre tizilgen 1139 protokol kelmesi qayd etildi. Olar arasında 1022 adisede para cezası şeklinde memuriy ceza berilmesi ya da başqa davağa qoşulıp, umumiy tedbir çıqarılması aqqında qarar berildi. 42 adise alâ daa baqıla.

▶ İşğalci “mahkeme” yerli sakinler Viktor Kudinov ve Sergiy Jigalovnı “Yegova şaatları” diniy teşkilâtında işitak etkenleri içün ekstremiz aqqında uydurılğan qabaatlavlar esasında 6 yıl apis cezasına mahküm etti.

▶ Rusiyeniñ rostov-na-donu mahkemesi sözde “Qırım musulmanları davasınıñ “ekinci Canköy gruppası”ndan qanunsız şekilde mahküm etilen Osman Abdurazakov, Halil Mambetov, Ekrem Kroş, Löman Zekeryaev, Refat Seydametov ve Ayder Asanovnıñ apis müdeetini mayısnıñ 3-ne qadar uzattı. 

▶ Aqyar sakini Kostantın Gorpınçenkonı Ukraina Telükesizlik Hızmeti ile işbirlik yapıp kerginlik relelerini yaqmağa tırışqanı aqqında uydurma qabaatlavlar esasında qattı rejim 11 yıl apis cezasına mahküm etti. 

▶ İşğalciler tarafından qanunsız şekilde 13 yılğa mahküm etilgen Oleg Fedorovnıñ Qırımdan 2000 biñ kilometrden ziyade uzaqlıqta olğan rusiyeniñ udmurtiya cumhuriyetindeki IK-5 koloniyasındaki ceza izolatorında tutuluv qararı dörtünci kere uzatıldı.

▶ Rusiye tarafından qanunsız şekilde 14 yılğa mahküm etilgen rajdan jurnalisti Rustem Şeyhaliyevniñ  apishanede sağlığı zayıflaşmağa devam ete. Yanvarniñ 16-nda burnu pek qanağanı içün ve qanamanı toqtatalmağanları içün, o, apis qararına berilgen istinafnıñ baqıluvından mahkeme oturışında iştirak etip olamadı.

Zorlavnen seferberlik:

▶ Rusiye ordusınıñ işğal etilgen Qırımda yerleştirilgen bölüklerden eñ az 1666 askeri elâk oldı. Olar arasında 1123 kişi eñ ihtimallısı Ukraina vatandaşı. Elâk olğanlarnıñ sayısı daa çoq ola bile, çünki rusiye ölgenlerniñ sayısını ep gizlemege tırışa. 

▶ İşğal etilgen Qırımdan eñ az 108 rf arbiy hadiminiñ esirge alınğanı tasdıqlandı, olarnıñ çoqusı ihtimal ki Ukraina vatandaşı. 

Qırım yarımadasınıñ askeriyleştirüvi:

▶ “ATEŞ” areketiniñ faalleri Qırımdaki işğalcilerniñ areketlerini közetmege devam eteler. Hususan, Balıqlava körfezinde işğalcilerniñ pilotsız katerlerge qarşı qoralarnı pekitkenleri, Novofödorovkada ise zırhlı tehnikanı tamirlev bazası ve BPLA-larğa qarşı REB mudafaa noqtaları meydanğa çıqarıldı. Kezlevdeki agentler yük demiryol vokzalında tehnikanıñ yerleştirilmesini de qayd ettiler. Bundan ğayrı, Kezlev rayonınıñ Qara Acı köyü yanındaki Tarhan Qut burnunda 91-nci özen qayıq brigadasınıñ yerleşken yeri qayd etildi, grajdan astyapı arasında arbiy tehnika, askerler, areket etmek içün grajdan naqliyeti olğan ştab yerleştirildi.

İşğalcilerniñ propagandası ve duşmanlıqnı qızıştırma:

▶ İşğal etilgen Aqmescitte işğalcilerniñ diqqatsızlığı sebebinden qızdıruv hattında qaza oldı ve 30 ev qızdırmasız qaldı. Hususan, qaynağan suv altında qalğan Zaliska soqağında vaziyet pek ağır.

Cemaat qarşılığı:

▶ İşğalcilerniñ taqiplerine ve repressiyalarına baqmadan, Qırımda Yalta şeerindeki Muqaddes Deva Mariya kilisesinde ananeviy bayram keçirildi. Tedbirde işğal etilgen yarımadanıñ çeşit köşelerinden onğa yaqın folklor taqımı iştirak etti, hususan, Aqmescitten kelgen “Halqlar dostluğı” taqımı ukrain tilinde kolâdkalarnı icra etti. 

▶ İşğalciler Qırımda 43 yaşındaki yerli sakinni Ukraina Mudafaa Quvetlerine maddiy destek aqqında aqqında uydurılğan qabaatlavlarnen tevqif ettiler.

▶ “Jovta striçka” (“Sarı şerit”) areketiniñ faalleri Qırımnıñ rus işğaline narazılıq bildirip, Ukrainağa sarsılmaz sadıqlıq köstermege devam eteler. Olar yarımada sakinlerini ukrain simvollarını tarqatıp, vatanperver graffitiler yaratıp, fleş-moblar teşkil etip, istilacılarnıñ teşviqat materiallarını yoq etip, zorbalıqsız qarşılıq kösterüvge qoşulmağa çağıralar. Taqip telükesi olğanına baqmadan, iştirakçiler ukrain hatıra yerlerini yañıdan tikleyler, informatsion aktsiyalar keçireler, Qırım Ukrainanıñ ayırılmaz bir qısmı olaraq qalğanını daima qayd eteler ve başqalarnı da yarımadanıñ azat etilmesi içün umumiy küreşke qoşulmağa ruhlandıralar.

▶ “Krımski boyovi çaykı” (“Qırımnıñ cenkâver çağalaları”) areketiniñ iştirakçileri er kün telükege baqmadan vaqtınca işğal etilgen yarımadada satqınlarnıñ ve işğalcilerniñ şahsiy malümatlarını bildirmege devam ete. Olar bu şahıslarnıñ yaşağan yerleri, seyaat yolları, maddiy areketleri, işğalci idaresinen bağları aqqında pek müim malümatnı diqqatnen araştıra ve yetkizeler. Bundan ğayrı, faaller gizli qarşılıq aktsiyalarını teşkil eteler, ukrain timsalleri olğan listovkalar tarqatalar, yerli işbirlikçiler ve satqınlar arasındaki qabarcılıq kelişmelerini meydanğa çıqaralar.

▶ “Zla Mavka” (“Açuvlı Mavka”) qarşılıq areketiniñ faalleri vaqtınca işğal etilgen Qırımda aq-uquqları içün küreşini alıp barıp, yarımada soqaqlarını narazılıq noqtalarına çevirmege devam eteler. Ukrainağa qoltutuv grafitileri, yarlıçıqlar ve bildirmeler vastasınen olar ukrain ruhunıñ küçüni köstere, işğalcilerniñ bütünley nezareti aqqında yañlış teessuratlarnı yoq eteler. Olarnıñ faaliyeti rus propagandasını meydanğa çıqarmaq ve bölgede insan aqları bozuluvlarına diqqat çekmege yönelgen. Areketniñ cesür iştirakçileri qırımlılarnı ruhlandıralar, yeñilmez küçniñ timsali olıp, mustaqillik oğrunda küreş devam eteyatqanını, yarımadanıñ azat etilmesi tek vaqıt meselesi olğanını hatırlatalar.

Temsilciligimizge, işğalge ve total propagandağa dayanalmayıp Qırımdan ketmege istegen Ukraina vatandaşlarından mektüpler  kelmege devam etmekte. İşğal etilgen Qırımdan çıqış hususında talimatnamemiz aqqında hatırlatamız: https://cutt.ly/FwtiajlS

İşğal etilgen Qırımda yaşağan ve yarımadadaki vaziyet, içtimaiy-iqtisadiy vaqialar, rus ordusınıñ yerini deñiştirüvi, qarşılıq areketleri ve başqa adiseler aqqında haber etken añlayışlı Ukraina vatandaşlarına teşekkürlerimizni bildiremiz. Tafsilâtlı malümatnı Temsilcilikniñ matbuat hızmetiniñ e-mail adresine yollañız: [email protected].    

Ukrainağa şan-şüret!