Ukraina Prezidentiniñ Qırım Muhtar Cumhuriyetinindeki Daimiy Temsilcisi Anton Korınevıç ile beraberlikte AŞPA eyetiniñ azaları vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırındaki ”Qalançaq” KÇÇN-nı ziyaret etti, vaqtınca işğal etilgen Qırım meseleleri ile oğraşqan devlet akimiyeti organları ve aq qorçalayıcı teşkilâtlarınıñ azaları ile körüştiler.
Bundan ğayrı, Qırımdan memleket içinde avuşıp, Herson vilâyetinde yaşağan şahıslar ve tamır qırımtatar halqınıñ vekilleri ile körüşüv ötkerildi.
Ukraina Prezidentiniñ Qırım MC Temsilciligi em halqara seviyede Ukrainanıñ topraq bütünligine ve egemenligine qol tutqan, em de vaqtınca işğal etilgen topraqlarda yaşağan Ukraina vatandaşlarına qol tutuvlarını bildirgen parlament azalarına öz minnetdarlığını bildire.