2018 senesi çiçek ayı (aprel) 24 künü Ukraina Prezidentiniñ Qırım MC Temsilciliginde uquqiy talil hızmetiniñ baş mesleatçısı Ruslan Seydametov Slavutiç şeerinde ‘‘Özek energiya obyektleriniñ işletüvini toqtatuv ve çevre-çetini ğayrıdan tiklev’’ (INUDECO 18) halqara konferentsiyada iştirak etti. Konferentsiya panel muzakeresi şekilinde keçirildi.

Tedbirde esasen Yuriy Fomiçev (Slavutiç şeer yolbaşçısı), Vitaliy Petruk (Ecnebiyleştirilgen zonanı idare etüv boyunca Ukraina devlet agentligi), Sergiy Kondratenko (‘‘Çornobıl AES’’ Mahsus devlet müessisesi), Sergiy Paskeviç (Ukraina milliy ilimler akademiyasınıñ AES Havfsızlığı meseleri institutı), Volodımır Udoviçenko (Ukraina şeerleri assotsiatsiyası Kıyiv bölüginiñ islâatlar ofisi), Volodımır Kazarin (Vernadskiy adına Tavriya Milliy Universiteti), Norbert Molitor (Almaniya) ve İhara Toyoçi (Yaponiya) çıqışta bulundılar.

Başqa meselelernen beraber, konferentsiyada Ukrainanıñ nezareti altında bulunğan topraqlarda Ozek energiya ve sanayı Aqyar Milliy Universitetiniñ yerleşüvi, donatıluvı ve inkişafı meselesi muzakere etildi.