2018 senesi boş ay (noyabr) 23 künü Temsilcilikteki halqara alâqalar hızmetiniñ baş mesleatçısı Valeriya Pahomova Ukraina Yuqarı Şurası içtimaiy siyaset, meşğullik ve pensiya ile teminlev meseleleri boyunca Komitetiniñ erkekler ve qadınlarnı teñ iqtisadiy imkânlar ile teminlev boyunca oturışunda iştirak etti.

Körüşüv esnasında qadınlar ve erkekler içün teñ iqtisadiy imkânlar yaratmağa, bu cümleden qadınlarnıñ ana olmaq aqqını qorçalamaq ve Ukrainada bala doğuvını arttırmaq maqsadınen qanuniyetke deñişmeler kirsetmege kerek olğanı muzakere etildi. Bu meseleler halqara cemiyetniñ talapları ve yañı Emek aqqında qanunlar Kodeksiniñ qabul etilüvi sebebinden pek muim olğanı qayd etildi. Yedi mütenasip nazirlik tarafından qol tutılğan ‘‘Qadınlar ile erkekler içün teñ iqtisadiy imkânlar’’ leyhası ayrıca muzakere etildi. Körüşüvniñ neticesi olaraq, Ukraina gender siyasetini yaratmaq maqsadınen ükümet komiteti yanında gender odasını teşkil etüv aqqında ilân etildi.