2018 senesi fevral 13 künü Ukraina Prezidentiniñ Qırım Muhtar Cumhuriyetindeki Temsilciliginiñ uquqiy talil ve halqara alâqalar hızmetleriniñ vekilleri Ukraina Yuğarı Şurasınıñ tış işeri boyunca Parlament komitetinde Ukrainanıñ vaqtınca işğal etilgen Qırım MC ve Aqyar şeerinde işğalci memleket prezident saylavlarını keçirmege azırlanğanına bağışlanıp, Ukriananıñ uyğunlaştırılğan nazar noqtasını meydanğa ketirmek ve Ukraina Yuqarı Şurası bu aqta çıqaracaq №7546 qararnıñ 2018 senesi fevral 5 künü  qayd etilgen leyhası üstünde çalışmaq maqsadınen olıp keçken oturuşta iştirak ettiler.

Toplaşuvda Ukraina Tış işleri nazirligi, Qırım MC Savcılığı, Ukraina havsızlıq hızmeti, Vaqtınca işğal etilgen topraqlarlarnıñ ve memleket içinde mecburen köçken şahıslarnıñ meseleleri boyunca nazirlikniñ vekilleri, Ukraina halq deputatı Refat Çubarov ve Ukraina Yuqarı Şurasınıñ tış işleri Komitetiniñ azaları olğan başqa deputatlar ve halq deputatlarınıñ yardımcıları iştirak etti. Oturış devamında leyhanıñ metini ve Ukraina Tış işler nazirligi tarafından teklif etilgen esaslı deñişmeler talil etildi.

Bundan da ğayrı, toplaşuvnıñ bütün iştirakçileri yuqarıda qayd etilgen leyha boyunca öz fikirlerini beyan etip tasdıqladı, leyhanıñ ayrı maddeleri aqqında suallerini berdi. RF prezident saylavlarını tamamen tanımamak ve işğalci memleketke qarşı qoşma sanktsiyalar qabul etmek kibi maddeler etrafında ciddiy munaqaşa olıp keçti.

Qanunnıñ leyhasında müddet ve sanlarnı doğru şekilde yazmağa, közeticiler, ‘‘saylav komissiyalarnıñ’’ yolbaçıları ve azaları kelecekte mesüliyetke çekileceklerini qayd etmek kibi Temsilcilikniñ teklifleri de beyan etildi.

Bu qanunsız ‘‘saylavlar’’ Qırımda propaganda aletine çevirilgeni ve asılında RF-nıñ topraqlarında saylavlarda qalplıq etmek içün qullanılacağı sebebinden, saylavlar umumen alğanda demokratik ceryanlarnı çiddiy şekilde bozıp keçirilecegi, neticeleri kütleviy şekilde ve qısmen Qırımda qalplıq etilecegi içün şübe doğura, onıñ içün Ukraina ve dünyanıñ demokratik devletleri tarafından vaqtınca işğal etilgen topraqlarda nasıldır saylavlarınıñ olıp keçkenini ve olarnıñ neticelerini tanımamağa imkân yarata.

Toplaşuvnıñ neticesinde iştirakçilerge leyhanen bağlı tekliflerini yazılı şekilde yollamağa muracaat etildi ve nevbetteki oturışnıñ künü belgilendi.