Oktâbrniñ 6-nda Ukrayina birinci hanımı Olena Zelenska Medeniy diplomatiya halqara forumınıñ açılışında tebrik sözlerinen çıqışta bulundı.

Olena Zelenska çıqışında bugünde-bugün Ukrayina yalıñız uruş meydanında degil de, medeniy kimlik saasında da adaletni ğayrıdan tiklegenini qayd etti. Bu kontekstte o, dünyada Qırımnıñ çoq milletli mirasını yekâne Ukrayinanıñ bir parçası olaraq tasdıqlağan ukrain studiyalarınıñ ayırılmaz bir parçası olaraq qırımtatar studiyalarınıñ inkişafınıñ müimligini qayd etti.

Ukrayin studiyalarınıñ global koalitsiyası Ukrayin institutı, Ukrayina Prezidentiniñ tasil, ilim ve sport destegi Fondu ve Ukrayina Prezidentiniñ Qırım Muhtar Cumhuriyetindeki Temsilciligi/Qırım platforması Ofisiniñ birleşken ğayretleri ile kerçekleştirilmekte

“Olar Qırım ve qırımtatar halqınıñ tarihını bilecekler, çünki ukrayin studiyalarında qırımtatar studiyaları müim yer ala. Qırımnıñ dramatik ikâyesi, niayet, rus müstemlekeviy teşviqatı olmadan dünyağa açıla”, – dep qayd etti Ukrayina birinci hanımı Olena Zelenska.

Halqara medeniy diplomatiya forumı – Ukrayina ve diger memleketlerniñ yetekçi ekspertlerini bir arağa ketirgen, halqara medeniy diplomatiya ve medeniy munasebetlerniñ ğayeleri, tecribeleri, çağıruvları ve kelecekniñ muzakere etilmesi içün keçirilgen er yıllıq bir konferentsiyadır.