Bugün Daimiy Temsilci Tamila Taşeva Ukrainadaki Türkiye Fevqulâde ve Salâhiyetli elçisi Mustafa Levent Bilgen ve Türkiye Elçiliğiniñ Birinci Kâtibi Atakan Attarnen körüşüv keçirdi. Temsilcilik tarafından körüşüvge Daimiy Temsilciniñ muavini Olga Kurışko, Qırım Platformasınıñ faaliyetini teminlev Hızmetiniñ yolbaşçısı Mariya Tomak ve Qırım Platformasınıñ faaliyetini teminlev Hızmetiniñ baş mesleatçısı İnna Tsarkova iştirak etti.

Türkiye tarafı avgust ayında keçirilecek Qırım Platformasınıñ sammitine ve Rigada keçecek Parlamentler sammitine azırlıqlar seviyesinen meraqlandı. Bundan da ğayrı, Elçi balalarğa destek saasında Temsilciliknen ortaq teşebbüs yaratılmasını teklif etti.

Bundan da ğayrı, körüşüv vaqtında taraflar Qırım asıllı ukrain sportçılarına destek ve akademik ile arhiv müessiseler seviyesinde ortaqlıq imkânlarını müzakere etti.