Martnıñ 6-nda Daimiy Temsilci Ukrayina Milliy İlimler Akademiyasınıñ Prezidenti Anatoliy Zagorodnıynen iş körüşüvini keçirdi.

Toplaşuvda ayrıca Ukrayina Milliy İlimler Akademiyasınıñ vitse-prezidenti Oleg Rafalskiy, Ukrayina Milliy İlimler Akademiyasınıñ baş ilmiy kâtibi vazifesini becergen Oleg Kubalskiy, Ukrayina Milliy İlimler Akademiyasınıñ edebiyat, til ve sanat tarihı bölüginiñ akademik-kâtibi Bogdan Ajnük ile Temsilcilikniñ Deokupatsiya ve reintegratsiya meseleleri boyunca bölük başınıñ muavini Lüdmila Şevçuk iştirak ettiler.

Körüşüv devamında taraflar Ukrayina tamır halqlarınıñ lingvistik mirasını, hususan qırımtatar tilini ögrenüvde ve desteklenmesinde ilmiy müessiselerniñ yerini muzakere ettiler. Bu saada ilmiy toplulıq ve devlet müessiseleri arasında işbirlikni pekitüv imkânlarına ayrıca diqqat ayırıldı.

Toplaşuv iştirakçileri Ukrayinanıñ medeniy mirasınıñ ayırılmaz bir qısmı olaraq tamır halqlarnıñ tillerini saqlap qaluv içün sistemalı çalışmalarnıñ müimligini qayd ettiler ve ilerideki özara tesirleşüv saalarını belgilediler.