Aprelniñ 17-nde Daimiy Temsilci Olga Kurışko, Prezident Volodımır Zelenskıynıñ avalesi ile, Ukrayinanıñ tamır halqlar meseleleri boyunca BMT Daimiy forumınıñ ekspert azası ve maruzacısı, uquq qoruyıcı Suleyman Mamutovğa Ukrayina devlet mukâfatını taqdim etti.

Ukrayina Prezidentiniñ 2026 senesi aprelniñ 1-nde imzalanğan № 289/2026 buyruğına binaen, o, “Yararlıqlar içün“ III derece nişanınen taqdirlendi.

Suleyman Mamutov bu mukâfatnı cenk şaraitlerinde ukrayin devletçiliginiñ pekitilmesine, devlet suverenitetiniñ ve Ukrayina topraq bütünliginiñ qorçalanuvına qoşqan müim şahsiy issesi, cemaat ve uquq qorçalayıcı faaliyeti içün aldı.

Öz faaliyeti vaqtında o, defalarca BMT-de qırımtatarlarnıñ aqlarını qorçaladı, çünki özü Özbekistanda sürgünlik yerlerinde doğdı. Onıñ mukâfatlanuvı hususan müim ve simvoliktir, çünki o qırımtatar halqınıñ sürgünlikten ve aqları içün küreşinden olarnıñ tanılmasına qadar keçken bütün yolnı aks ete.