Fevralniñ 5-nde Daimiy Temsilci “Memleket içinde köçürilgen vatandaşlarnıñ, cebe ve vaqtınca işğal etilgen topraqlarda yaşağan sakinleriniñ saylav aqlarını ömürge keçirüv” adlı panel muzakeresinde iştirak etti.

Muzakerede aynı vaqıtta Ukrayina halq deputatı Tamila Taşeva, “OPORA grajdan ağı” bütün ukrayin cemaat teşkilâtınıñ uquqiy mesleatçısı Bogdan Mohonçuk, Merkeziy saylav komissiyasınıñ reis muavini Serğiy Dubovık, “DESPRO” cemaat teşkilâtınıñ eksperti Olena Boyko, Ukrayina halq deputatı Larısa Bilozir, ZMİNA İnsan aqları Merkeziniñ avdokatsiya müdiri AQlyona Luneva, iştirak ettiler. Bilozir, ZMİNA insan aqları merkeziniñ advokatura müdiri Alena Lunyova, “AZONS” advokatlar birliginiñ ortağı Darya Svırıdova ve digerleri iştirak ettiler.

Daimiy Temsilci öz çıqışı vaqtında vaqtınca işğal etilgen bölgelerniñ, şu cümleden Qırımnıñ sakinleri saylav aqlarından faydalanuvınen bağlı esas meselelerni qayd etti. Birinci mesele – vesiqalaştıruv, çünki Olga Kurışkonıñ aytqanına köre, vatandaşlarnıñ büyük qısmında, hususan 2022 senesinden soñ, esas ukrayin vesiqaları yoq. Ayrı bir mesele olaraq, işğal başlanğan soñ on sekiz yaşqa kirgen ve tek ukrayin doğuv şeadetnamesine saip olğan yaşlar yer almaqta, bu ise olarnıñ saylav ceryanında iştirak etmesi içün sıñırlav ola bile.

Daimiy Temsilci, ekinci mesele yaşağan yerniñ qayd etilmesi meselesine ait olğanını qayd etti: uzun müddetli işğal idare etilgen topraqlarda olıp keçken islâatlarnı ömürge keçirmege yol bermedi, ve, demek, bazı insanlarnıñ yaşağan yerini cedvelge aluvda problemaları bar, bu ise öz nevbetinde saylav ceryanlarınıñ teşkil etilmesine tesir ete bile.

Olga Kurışko tarafından seslendirilgen üçünci mesele, telükesizliktir:

“Vaqtınca işğal etilgen territoriyalarnıñ sakinlerine saylavlarda iştirak etme imkânını teklif etip, devlet telükesizligi meselelerinden haberdar olmaq kerek, olarğa, afsus ki, biz tesir etip olamaymız. Ukrayina devlet müessiselerinen er angi alâqalar işğalci akimiyet tarafından memuriy ya da cinaiy taqipniñ sebebi ola bilir.”

Öz nevbetinde Alyona Luneva, saylav aqlarını teminlemek em içki köçürilgenlerge, em de vaqtınca işğal etilgen ve cebe topraqlarında yaşağanlarğa ayrıca yanaşmaqnı talap ete. Meselâ, vaqtınca işğal etilgen topraqlarnıñ sakinleri içün rey berüv qaideleri aqqında evelden malümat berüv müimdir, içki köçkenler içün ise köçüv cedvellerindeki yañlışlarnı esapqa aluv ve imtiyazlar almaq içün çıqış kününi doğru belgilev.