İyünniñ 16-nda Daimiy Temsilci Baş poçta binası ögünde “Artek”  balalar lageriniñ yüz yıllığına bağışlanğan mahsus markağa tamğa atılması merasiminde iştirak etti.

“Bugün mında olmağa imkânımız olğanı içün “Artek” yolbaşçılarına, “Ukrpoşta”ğa, balalarğa teşekkürler bildirem. Menim içün bu birinci tamğa merasimi olacaq ve bunıñ böyle müim tedbirden başlanacağından ğururlanam”, – dep qayd etti Olga Kurışko.

Daimiy Temsilci, balalar lageriniñ saqlanuvı ve inkişafı içün ne qadar küç sarf etilgenini qayd etip, “Artek” taqımını hayırladı.

“2014 senesinden başlap, Kiyev vilâyetinde bulunğan “Artek” lagerini 70 biñ bala ziyaret etti, şimdi ise tahminen 1300 kişi bar. Lagernniñ taqımı, balalar etrafta olğan cenkni sezmemesi içün elinden kelgenini yapa”, – dep qayd etti lagerniñ baş müdiri Sergiy Kapustin.

2022 senesinden başlap, Ukrpoşta öz poçta markalarını esasen cenk mevzusına bağışlay. Orina Kamaralı – yañı markalar dizaynını yaratqan genç ressam, Qırımdaki “Artek”niñ hatırlavlarını, qasevetsiz balalıqnı aks etmekni maqsat qoyğan. Yañı markalar balalıqnıñ hayal, quvanç ve eyilik ümütleri ile tolu parlaq timsallerine bağışlana.

İyünniñ 16-ndan başlap poçta markaları ve bediiy zarflar poçta saytında (https://postmark.ukrposhta.ua) ve “Vlasna kramnıtsia” tükânlarında satılmağa başlaycaq. .