Fevralniñ 27-nde Daimiy Temsilci Olga Kurışko «Strasburg muzakereleri» formatında keçken toplaşuvında iştirak etti.

Körüşüv, Ukrayina qanun ve institutsiya bazasına, şimdiki vaqıtta ve cenkten soñ vaqtınca işğal etilgen topraqlarda qırımtatarlarnıñ özgünligini saqlap qaluv içün yapılmaq kerek adımlarğa bağışlanğan edi.

Öz çıqışında Olga Kurışko, Qırımnıñ 12 yıllıq işğal etilmesi şaraitinde qırımtatar halqınıñ aq-uquq ve serbestliklerini teminlemek içün qanun bazasını kenişletmek ve temsil organı olğan – Milliy Meclisniñ statusını pekitmek kerek olğanını qayd etti. O, 2021 senesi «Tamır halqlar aqqında» qanun qabul etilgenini hatırlattı. Aynı zamanda, onıñ aytqanına köre, çerçiveli qanun yeterli degil, çünki o qırımtatar halqınıñ tarihiy tecribesini – genotsid, işğal ve şimdiki taqipni esapqa almay.

Daimiy Temsilci ayrıca, qırımtatar halqınıñ tilini ve medeniyetini Ukrayinanıñ tamır halqı olaraq saqlap qalmaq, hususan devamlı işğal şaraitlerinde tamır halqlarnıñ aq-uquqlarını qorçalav devlet siyasetiniñ bir qısmı olğanını qoştı.

Körüşüvler Ukrayina Yuqarı Şurası, Avropa Şurasınıñ Ukrayinadaki ofisi, OSE milliy azlıqlar boyunca ortaqlıq boyunca Yuqarı komissarınıñ ofisi yardımınen devlet akimiyeti vekilleri ve qırımtatar cemiyetiniñ temsilcileri iştirak etimesinen teşkil etildi.