Daimiy Temsilci Olga Kurışko Türkiyedeki Qırımtatar Medeniyet ve Yardımlaşma Dernegi Baş Merkezini (Kırım Türkleri Kültür ve Yardımlaşma Derneği Genel Merkezi) ziyaret etti, anda teşkilât azalarınen bir körüşüv ötkerildi.

Körüşüv devamında taraflar vaqtınca işğal etilgen Qırımdaki vaziyet, hususan, sistemalı insan aq-uquqları bozulmaları ve qırımtatar halqına yapılğan basqı aqqında laf ettiler. Merkezniñ temsilcileri Rusiyeniñ işğalci siyasetine qarşı öz sarsılmaz pozitsiyasını qayd etip, Ukrayinağa ardı-sıra yardım etmekni devam etme niyetlerini bildirdiler. Ondan ğayrı, olar Qırım mevzusınıñ Türkiyeniñ cemaatçılıq ve halqara kün tertibinde daima bulunmasınıñ müimligini müzakere ettiler.

Taraflar mümkün olğan ortaqlıq yönelişleri, qırımtatar halqınıñ aqlarını qorçalav, özgünlikni saqlap qaluv ve Qırımnıñ azat etilüv meselesiniñ halqara advikatsiyanıñ artmasını közde tutqan umumiy teşebbüsler ve faaliyetler teşkil etilmesi içün koordinatsiya meselelerini muzakere ettiler.