Daimiy Temsilci Olga Kurışko Türkiye Cumhuriyetiniñ ombudsmeni Mehmet Akarca ile bir arağa keldi.

Daimiy Temsilci vaqtınca işğal etilgen Qırımda Ukrayina vatandaşları olğan siyasiy mabüsleriniñ, hususan ağır vaziyette olğan ve acele tibbiy yardımğa muhtac olğanlarnıñ vaziyeti aqqında malümat berdi. Tibbiy yardım aluv aqqına ruslar tarafından sistemalı sürette itibarğaalmayuv kösterüviniñ misali olaraq Tofik Abdulğaziyevniñ davasına ayrıca diqqat ayırıldı. Bundan ğayrı, Daimiy Temsilci Qırım siyasiy mabuslerine qoltutuv maqsadınen mentorlıq programması aqqında da söz yürsetti ve Qırımda qanunsız şekilde apiske alınğan sakinlerniñ basqılarğa oğratılğanlarına halqara diqqatnı saqlamaq içün onıñ emiyetini qayd etti. Daimiy Temsilci işğal etilgen Qırımda taqiplerniñ yañı usulları, hususan mahkemeler aqqında malümatqa irişüvniñ sıñırlanması – adaletli ve lâyıq mahkeme aqqınıñ doğrudan-doğru bozulması olğanını bildirdi.

Olga Kurışko işğalci idareleri tarafından siyasiy mabüslerniñ menfaatlarını qorçalağan advokatlarğa sistemalı basqı siyasetine de ayrıca diqqat ayırdı. Bular arasında advokatlarnıñ ofislerinde tintüvler, ruhsatlarını toqtatuv ya da lâğu etüv ve insanlarnı uquqiy yardım ve qorçalavdan semereli sürette marum etecek diger taqip şekilleri yer almaqta.

Körüşüvniñ soñunda Daimiy Temsilci halqara işbirlikniñ emiyetini ve insan aqları bozuvlarını qayd etmekte, em de işğal qurbanlarını qorçalavnı quvetleştirmekte ombudsman institutlarınıñ rolüni qayd etti. Taraflar insan aqlarını qorçalav ve gumanitar meseleler saasında ilerideki işbirlikniñ yönelişlerini muzakere ettiler.