Daimiy Temsilci Olga Kurışko Ankara Hacı Bayram Veli universitetiniñ rektorı, professor Mehmet Naci Bostanci ile körüşüv keçirdi.

Olga Kurışko ukrayin ve türk ilmiy müessiseleri arasında, hususan Ukrayina, Qırım tarihı ve qırımtatar halqınen bağlı araştırmalar köntekstinde akademik işbirlikniñ inkişaf etmesiniñ müimligini qayd etti.

Daimiy Temsilci dünya akademik müitinde Ukrayinanıñ sistemalı f inkişaf etmege yönelgen Ukrayina studiyaları dünya koalitsiyasınıñ işi aqqında malümat berdi. O, Koalitsiya çerçivesinde studiyalarnıñ ayırılmaz bir qısmı olğan qırımtatar studiyalarına ayrıca emiyet berilgenini qayd etti. Olga Kurışko, bu teşebbüsniñ başlanması ve faal teşviqat etilmesi, hususan Ukrayinanıñ Birinci hanımı Olena Zelenskayanıñ Türkiyege ziyareti vaqtında, Ukrayinanıñ tasil, ilim ve gumanitar diplomatiya saasındaki izçen devlet siyasetiniñ bir qısmı olğanını qayd etti.

Daimiy Temsilci ayrıca vaqtınca işğal etilgen topraqlarda sistemalı rusiye teşviqatı sebebinden meydanğa kelgen tasil saasındaki çağıruvlarğa diqqat çekti. Onıñ sözlerine köre, rusiye Ukrayina sıñırları tışında bile tarihnı deñiştirüv ve işğalni aqlav aleti olaraq aselet tasil ve medeniyet saalarını qullana.

Taraflar ileride tesirleşüv saaları boyunca fikirlerinen paylaştılar ve ileride de işbirlik aqqında keliştiler.