Qırım bugün – bütün dünya içün adalet sınavıdır, Birleşken Milletler Teşkilâtınıñ nizamnamesi tek sözlerden ibaret degil, barışıqnı ğayrıdan tiklep, onı saqlamağa imkanı olğan kerçek bir küç olğanını köstermek içün bir fırsattır. Qırım platformasınıñ bu yıllıq sammiti simvolik olaraq Nyu-Yorkta keçirile ve böyleliknen Qırımnıñ dünya adalet ve telükesizlik sistemasında merkeziy yer alğanını köstere. Qırım meselesi Ukrayina sıñırlarından çıqa ve halqara uquq ile demokratiyanı qorçalama qabiliyeti içün bir sınav alına kele.

Kampaniyanıñ esas timsali — qalqan; o, Qırım el sanatınıñ estetikasını ve küçüni birleştire: nazik laleler, mihrab şekilleri, boynuz timsalleri ile özünde canlanuv ğayesini, dayanıqlıq ve maneviy yönelişni birleştirgen çeçekler. Qalkannıñ kompozitsiyası dünya modelini añdıra, onıñ merkezinde adalet bar, onıñ etrafında ise, umumiy maqsatqa baqtırılğan halqlar bar. Bu surette qalqan tek Qırımnıñ arbiy ananelerine bir atıf degil, bu tecavuznı toqtata bilecek halqara uquqnıñ metaforasıdır.

Haber kampaniyası, Qırım platforması – tek barışıq tiklenmesi içün kösterilgen areketlerniñ koordinatsiya aleti degil, halqara uquq üstünligi ve kelecekte telükesizlik içün küreşken devletler, institutlar ve insanlarnıñ birleşüv alanıdır.

Kampaniyağa qoşulıñız, Qırım ve adaletniñ sesi bütün dünyağa duyulsın dep, vizual malümatnı paylaşıñız.