Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç 160/2021 sanlı Prezident Fermanı ile 2021 senesi çiçek ayınıñ 13-de tasdıqlanğan Ukraina Prezidentiniñ Qırım Muhtar Cumhuriyetindeki Temsilciliginiñ faaliyetine dair Strategiya ile ”ArmiyaInform” haber agentligini tanıştırdı Strategiyanıñ esasları budır.

”Birinciden, Ukraina Prezidenti vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvge dar üç ferman imzalağanını qayd etmege isteyim. Birincisi – Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvni maqsad etip qoyğan ayrı tedbirler aqqında – 2021 senesi kiçik aynıñ 26-da Qırım MC ve Aqyar şeeriniñ işğal etilmesine qarşılıq kösterüv kününde imzalanğan edi.

Bir ay soñra, yani saban ayınıñ 24-de imzalanğan ekinci Ferman Ukraina milliy mudafaa ve havfsızlıq Şurası tarafından saban ayınıñ 11-de qabul etilgen Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv strategiyasınen bağlı edi.

Ve niayet çiçek ayınıñ 13-de Qırımnen bağlı ”Ukraina Prezidentiniñ Qırım Muhtar Cumhuriyetindeki Temsilciliginiñ ilk nevbetteki vazifeleri aqqında” içünci Ferman ile Ukraina Prezidentiniñ Qırım Muhtar Cumhuriyetindeki Temsilciliginiñ faaliyetine dair Strategiya tasdıqlandı.

Endi 2021 senesi arman ayı 23 kününe planlaştırılğan Qırım platforması samitiniñ arfesinde Qırımnı işğalden azat etüv ve ğayrıdan integratsiya etüv oğrunda semereli faaliyet alıp barmamız içün pek güzel imkânlarımız bar”.

Intervyunıñ tolu metini:https://cutt.ly/7b0kLiB