Aprelniñ 2-nde Ukrayina prezidenti Volodımır Zelenskıy №293/2026 buyruğını imzaladı. Bu qarar, Qırımtatar Milliy Meclisine temsil organınıñ uquqiy statusını berüv ve “Ukraiynanıñ tamır halqları aqqında” Ukrayina Qanunını amelge keçirüv yolunda daa bir adım oldı.

Vesiqağa köre, Ukrayina Nazirler Kabineti Milliy Mecliske qırımtatar halqınıñ temsiliy organınıñ uquqiy statusını berüv meselesiniñ acele sürette çezilmesini temin etmeli.

“Meclis er vaqıt qırımtatar halqınıñ temsiliy organı edi ve olmaqta. Bu kerçekten de öyle edi. Bunı uquqiy ve siyasiy ceetten pekitecekmiz, böylece sizniñ imkânlarıñız küçlü olur, bizim ukrayin umumiy imkânlarımız daa keniş olur. Rusiye tecavuzına, darbelerine ve zorbalıqlarına soñ berilmeli”, – dep qayd etti Ukrayina Prezidenti.

Meclisniñ temsil organı olaraq tanılması müim bir adımdır, çünki qırımtatar halqınıñ öz-özüni temsil etüv aqqını resmiy şekilde belgilegen, onıñ sesini quvetleştirgen ve Qırımnen bağlı devlet qararlarında resmiy iştirakini pekitmekte. Bu halqara toplulıqqa Ukrayina tamır halqlarınıñ aqlarına riayet etkenini ve Ukrayinanıñ adalet ile topraq bütünliginiñ ğayrıdan tiklenüvine daa bir adım olğanını bildirgen bir işarettir.