«Ukrayina ve bütün dünya musulmanlarını Qurban Bayramınen hayırlayım. Bu bayram er bir qorantağa tınçlıq, bereket ve amanlıq ketirsin.

Ukrayina öz tarafından bu sene mümkün olğanı qadar çoq aileniñ kerçek telükesizlik müitinde Qurban Bayramını qayd etmeleri içün çoq şey yapa. Biz mında – Ukrayinada, Avropada yaşayışnı qorçalaymız, em de Yaqın Şarqta, Körfez bölgesinde, cenübiy Kavkaz bölgesindeki ortaq memleketlerde yaşayış qorçalanmasına qol tutamız. Telüke dünyanıñ iç bir tarafında üstün çıqmamalı.

Qırımımız aqqında unutmaymız, Ukrayinağa qarşı rus cenki 2014 senesi anda başlandı. Ve biz, Ukrayinağa ve bizim insanlarımızğa destek köstergen, rus işğalini takbih etken ve insanlarımıznı rus esaretinden qurtarmağa yardım etken er keske minnetdarmız. Rusiyede tutulğan qırımlı siyasiy mabüslerimiz aqqında da hatırlaymız ve olarnı evge – Ukrayinağa qaytarmağa tırışamız. Serbest dünyanıñ da bugün azatlığından marum etilgenler aqqında unutmaması pek müim. Bu bayram episi temiz yüreklerge küç bersin!

Qurban Bayramı hayırlı ve mubarek olsun!»