2019 senesi kiçik ay (fevral) 15 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanov yolbaşçılığında ”Qalançaq” kiriş-çıqış nezaret noqtasında Ukrainanıñ vaqtınca işğal etilgen Qırım MC ile memuriy sıñırdaki ”Qalançaq” KÇNN-nıñ hızmet zonasında yürsetilgen qanunsız hocalıq faaliyetke qarşılıq kösterüv boyunca idareler ara ofisten tış muşavere olıp keçti.
Muşaverede Ukraina Devlet sıñır hızmeti Azaq-Qaradeñiz regional idaresiniñ, Devlet Maliye Hızmetiniñ Qırım Muhtar Cumhuriyeti, Aqyar şeeri ve Herson vilâyeti boyunca gümrükhanesiniñ, Milliy polisniñ Qırım Muhtar Cumhuriyeti ve Aqyar şeeri boyunca Baş idaresiniñ, Ukraina havfsızlıq Hızmetiniñ Qırım Muhtar Cumhuriyetindeki Baş idaresiniñ, Milliy polisniñ Herson vilâyetindeki Baş idaresiniñ, Ukraina Fevqulâde adiseler boyunca Devlet hızmetiniñ Herson vilâyetindeki Baş idaresiniñ, Herson vilâyeti Qalançaq rayon devlet memuriyetiniñ ve Şimaliy-Qırım İdaresiniñ vekilleri iştirak etti.
Vatandaşlar belgisiz şahıslar tarafından qanunsız taşıycılar vastasınen KÇNN-ni keçüvden soñ qanunsız şekilde para cıyılğanı aqqında muntazam surette şikâyet etkenlerini diqqatqa alaraq, muşavere esnasında ”Qalançaq” KÇNN hızmet zonasında daimiy qullanıv aqqı esasında Şimaliy-Qırım kanalı İdaresine ait olıp, işletüv ve suv hocalıq ve gidrotehnik tesisleri ile kanalları üzerinde nezaret içün qullanılacaq, üzerinde gidrotehnik, navigatsion, gidrometrik tesislerden ve boru hatlarından ğayrı başqa tesislerniñ qurulması yasaq olğan suv fondunıñ topraqlarında qanunsız hocalıq faliyet alınıp barılğanı tesbit etildi.
Temsilcilik devlet akimiyetiniñ yerli organlarına ”Qalançaq” KÇNN qadar ve qarşı tarafqa resmiy taşıyıcını belgilelemek maqsadınen deral konkurs ilân etmege, stantsiyanı ise Qalançaq ayrı yerli cemaatnıñ kommunal şirketi vastasınen işletmege tevsiye etti, uquq qorçalav organlarına ise işbu adise boyunca Mahkemeden evel taqiqatlar boyunca Yekâne cedvelge kirsetilgen cinaiy işlerni faal şekilde taqiq etmege avale etti.
Muşavereniñ neticesi olaraq, Şimaliy-Qırım kanalı İdaresine qanunsız tesislerniñ yoq etilüvi boyunca arizanıñ yazılması ve areketleri aqqında Temsilcilikke haber etmesi içün bir aftalıq müddet berildi.
